Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Man doodgeskok toe hy aan kabels peuter

Nooddienswerkers van Ekurhuleni het Woensdagmiddag afgekom op die verkoolde lyk van ’n man wat onderstebo aan ’n spantoring in Brakpan hang.

William Ntladi, woordvoerder van Ekurhuleni se rampbestuur, sê die man het sowat 25 m bo die grond onderstebo aan ’n elektriese kabel gehang.

Noodwerkers het omstreeks 16:00 op die toneel in die gebied van die Withok-Wes-landbouhoewes aangekom.

Gereedskap, waaronder ’n saag en ’n skroewedraaier, is op die grond onder die lyk gevind.

Volgens Ntladi is die man vermoedelik doodgeskok toe hy aan die kabels gepeuter het.

Elektrisiëns moes eers die kragtoevoer isoleer om die lyk te verwyder. ’n Gespesialiseerde voertuig met ’n hidrouliese platform is ingespan sodat nooddienswerkers die man kon bereik.

Ntladi het mense weer gewaarsku om nie aan die elektriese infrastruktuur te peuter nie.

“Die oorledene se identiteit is nog nie bekend nie. Dit is onduidelik of hy alleen gewerk het. Die polisie sal die voorval ondersoek,” sê Ntladi.

Meer oor:  Brakpan
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.