Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Nóg ’n meisie verdwyn in Kaap

Enkele dae nadat die lyk van Tazne van Wyk (8) in ’n stormwaterdrein op die N1 buite Worcester gevind is, het nog ’n jong meisie in die Wes-Kaap spoorloos verdwyn.

Die nuus oor Nabeelah Begg (16) se verdwyning het vrese en skokgolwe deur die gemeenskap van Bonteheuwel gestuur.

Begg is op 18 Februarie laas lewend gesien terwyl sy skool toe gestap het, maar sy het nooit by die skool opgedaag nie.

Sy was in haar skoolklere, ’n grys langbroek en ’n wit hemp geklee.

Nabeelah Begg (16) is as vermis aangemeld. Foto: Facebook

Begg het lang bruin hare en groen oë. Sy word beskryf as iemand wat fyn gebou is, en sy is 1,4 m lank.

Volgens ’n familielid is die gesin rasend van bekommernis, veral in lig van al die gebeure rondom Tazne.

Die familielid sê verder dit is die eerste keer dat Begg net sonder enige verduideliking van die huis af verdwyn, en vir so ’n lang tydperk weg is.

“Ek wil nie die kar voor die perde span nie, maar dit wil voorkom asof ’n leidraad wat laat gisteraand (Vrydagaand) ingekom het, dalk tot ’n positiewe uitkoms kan lei,” sê die familielid.

“Ons het die inligting vanoggend (Saterdagoggend) aan die speurder gegee, wat onderneem het op dit op te volg en ondersoek in te stel.”

Tazne was sedert 7 Februarie vermis. Moyhdine Panganker (54) word aangekla van haar moord en ontvoering.

Nabeelah Begg Foto: Facebook

Meer oor:  Bonteheuwel  |  Geweld Teen Kinders
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.