Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Oe-la-la! Mnr. SA toe ’n ware hartebreker
Heinrich Gabler
Heinrich Gabler, ’n Kaapstadse laerskoolonderwyser, is Mnr. Suid-Afrika 2019. Foto: Facebook/mrsouthafricaofficial

En toe is Mnr. Suid-Afrika regtig ’n man met ’n goeie hart – én boonop aantreklik ook.

Heinrich Gabler, ’n Wellingtonse laerskoolonderwyser, is Saterdagaand as Mnr. Suid-Afrika 2019 gekroon ná ’n lang pad van hartseer en vasbyt.

Gabler se ma is in ’n motorongeluk dood toe hy slegs nege jaar oud was. Hy is van sy pa vervreem en het by die Andrew Murray-kinderhuis in Wellington grootgeword.

Dieter Voigt, Mnr. Suid-Afrika 2007, het Gabler destyds genader en aan hom uitgewys dat hy ’n verskil in die gemeenskap kan maak as hy ’n loopbaan as model sou oorweeg.

Gabler het in ’n onderhoud met die Spice4life-webblad gesê indien hy sou wen, beteken dit dat hy sy verhaal van hoop met soveel meer mense sal kan deel.

As onderwyser het Gabler geleer om die kleiner dinge in die lewe te waardeer en hy het ook besef geld kan nie geluk koop nie.

Heinrich Gabler, heel regs, is Saterdag by die Bay-hotel gekroon as Mnr. Suid-Afrika 2019. Van links is Bhekuzinde Nobunga, die tweede prins, Shaun Stander, die eerste prins, en JP Robberts, die organiseerder van die kompetisie. Foto: Facebook/mrsouthafricaofficial

Hy het aan Spice4life gesê hy is lief vir gemeenskapsprojekte en het ’n hart vir behoeftige mense. Sy hooffokus met sy vrywillige werk is die kinderhuis in Wellington.

Die eerste prins in vanjaar se kompetisie is Shaun Stander en die tweede prins is Bhekuzinde Nobunga.

JP Robberts, uitvoerende hoof van die kompetisie, moes vanjaar terugkap nadat foto’s van die Top 20 finaliste nie goed ontvang is op sosiale media nie. Van die kommentaar was selfs dat die finaliste regtig nie aantreklik is nie.

Robberts het toe gesê hy hoop vanjaar sal daar ’n

verandering kom in die verwagting dat die kompetisie net vir modelmooi mans bedoel is.

Hy hoop vanjaar se uitkoms sal die begin van ’n nuwe soort Mnr. Suid-Afrika wees.

Die kroning was Saterdagaand by die Bay-hotel in Kaapstad. Gabler se program was Sondag baie vol en hy kon nie bereik word om kommentaar te lewer nie.

Gelukwense aan Heinrich Gabler op Twitter, nadat hy as Mnr. Suid-Afrika 2019 gekroon is. Foto: Twitter
Meer oor:  Heinrich Gabler
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.