Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Oudburgemeester wat skielik sterf, ‘was ’n groot leier’

Hy was ’n groot leier wat baie vir ander mense omgegee het.

So het oudkollegas en vriende Melford D. Notshokovu (73), ’n voormalige burgemeester van George, Donderdag ná sy skielike dood verlede Vrydag beskryf.

Melford D. Notshokovu Foto: Verskaf

Hy was gedurende die laat 1990’s George se burgemeester.

Langa Langa, ’n plaaslike ANC-raadslid, het by navraag gesê Notshokovu was nie lank siek nie. “Hy het nog bestuur en was baie aktief. Hy het die afgelope ruk van pyn gekla en is skielik dood.”

Die munisipaliteit het Notshokovu se dood in ’n verklaring betreur.

Volgens Leon van Wyk, die huidige burgemeester, was hy geskok om van Notshokovu se dood te hoor.

“Mnr. Notshokovu het ’n leidende rol gespeel in die oorgang na die geïntegreerde munisipaliteit wat dit vandag is, en ons eer sy bydrae tot George en die munisipaliteit. Die George-stadsraad en -administrasie betuig ons diepste medelye met sy familie en vriende, en deel in die pyn van hul verlies,” sê hy.

Volgens die munisipaliteit sal sy vlag buite die munisipale kantore in Yorkstraat ter herinnering aan Notshokovu halfstok hang.

Na verneem word, is ’n straat in die woonbuurt Lawaaikamp ook na Notshokovu genoem.

Langa sê ’n begrafnisdiens word Vrydag om 09:00 vanuit die Metodiste kerk in Thembalethu gehou. Notshokovu word deur sy vrou en agt kinders oorleef.

Meer oor:  Melford D. Notshokovu  |  George  |  Burgemeester  |  Covid-19  |  Koronavirus
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.