Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Reuse-soektog na 'ontvoerde' man

’n Grootskaalse soektog is van stapel gestuur nadat ’n 33-jarige man glo vanuit sy werkswinkel in Butterworth in die Oos-Kaap ontvoer is.

Schalk van der Merwe is glo Donderdagmiddag deur ses gewapende mans ontvoer nadat hulle sy werkswinkel binnegekom en hom in sy motor gedwing het.

Die polisie in die Oos-Kaap het bevestig Van der Merwe is steeds vermis en die soektog duur voort.

Die vermiste Schalk Van der Merwe. Foto: Facebook

In ’n stemnota wat op sosiale media versprei word, het ’n hoorbaar ontstelde vrou haarself as Alida, die vrou van die vermiste Van der Merwe geïdentifiseer, en ’n pleidooi vir hulp in die soektog gemaak.

“Ek is van Oos-Londen. My man is in Butterworth. Ons het ’n werkswinkel daar. Vyf mense het nou omstreeks 17:00 na die werkswinkel gekom – wel ses mense. Almal met vuurwapens– hulle het hom in sy motor (wit Audi A3) gedwing en is weg met hom,” lui ’n gedeelte van die stemnota.

Met navraag aan Alida het ’n vriendin Vrydagoggend haar foon geantwoord en gesê hulle gaan nie op hierdie stadium enige verklarings aan die media maak nie.

Kapt. Siphokazi Mawisa, polisiewoordvoerder, sê die polisie is Donderdagmiddag uitgeroep vir ’n ontvoering in die nywerheidsgebied by Butterworth.

Volgens die polisie se inligting was die slagoffer met ’n vuurwapen tot binne-in sy motor gedwing.

Volgens Mawisa was die slagoffer ten tyde van die voorval saam met sy ma (60), wat ongedeerd, maar geskok gelaat is weens die voorval.

Die polisie se voorlopige ondersoek het nog geen sukses opgelewer nie en die soektog duur voort.

Enigeen met inligting kan die Msobomvu-polisiekantoor bel by 047 492 0180, of die Stop Misdaadnommer by 08600 10111.

Meer oor:  Oos-Kaap  |  Butterworth  |  Ontvoer  |  Motor  |  Man  |  Vermis  |  Polisie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.