Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
SA Munt stel renoster-muntstuk bekend

Die Suid-Afrikaanse Munt het Maandag die derde munt in sy reeks van die Groot Vyf bekend gestel. Dié keer is die bedreigde renoster op ’n muntstuk.

Die agterkant van die nuwe renoster muntstuk van die Munt se groot vyf reeks. Foto: Verskaf
Die voorkant van die nuwe renoster muntstuk van die Munt se groot vyf reeks.Foto: Verskaf

Gerda Janse van Vuuren, waarnemende direkteur van die Munt, sê in ’n verklaring die doel is om met dié reeks tot die stryd teen die stroping van dié diere vir hul horings by te dra.

“Met die bekendstelling van ons renoster-muntstuk hoop ons om die wêreld te oorreed om ons te help om renosters te beskerm,” sê sy.

Die Munt vat ook vanjaar hande met die Natuurlewebewaringstrust en ’n deel van die opbrengs van die muntstukke sal geskenk word om renosters te beskerm.

Die kunswerk van die renoster op die muntstuk is uniek omdat dit bestaan uit twee helftes van ’n renoster se gesig.

“Wanneer twee muntstukke langs mekaar geplaas word, kry jy die volledige beeld van die renoster se gesig en wanneer verskeie muntstukke langs mekaar gesit word, vorm dit ’n trop renosters,” lui die verklaring.

Die muntstukke sal in verskeie weergawes beskikbaar wees.

Die muntstukke kos tussen R595 en R1 995 vir die weergawes in silwer. Die pryse vir die goud- en platinum-munte is nog nie beskikbaar nie.

*Op die eerste twee muntstukke in die reeks is die leeu en olifant uitgebeeld.

Meer oor:  Groot Vyf  |  Reeks  |  Renoster
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.