Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Algemeen
Stiller paaie kan ná ‘verkeerspiek’ verwag word

Verkeersvolumes sal na verwagting nou afneem aangesien baie vakansiegangers reeds die pad huis toe aangepak het.

Simon Zwane, woordvoerder van die Padverkeersbestuurskorporasie (RTMC), sê daar sal beslis vanaf Maandag ’n afname in verkeersvolumes wees.

Volgens Zwane is die “verkeerspiek” reeds Sondag bereik.

Daar was Sondag druk verkeer op die N1-, N3-, N12- en N2-roetes en sowat 1 500 voertuie per uur in die rigting van Gauteng is getel.

Zwane sê motoriste toon sover “goeie gedrag op die paaie en reis vroeg”.

Thania Dhoogra, operasionele bestuurder van die N3-tolkonsessie (N3TC), sê hoewel die meeste vakansiegangers Sondag na Gauteng teruggekeer het, verwag N3TC nog ’n toename in verkeersvolumes later in Januarie aangesien die skole vanjaar later oopmaak.

Met Sondag se druk verkeer het die N3-tolroete gedurende die dag hoë verkeersvolumes van meer as 2 000 voertuie per uur in ’n noordelike rigting gehad.

N3TC het intussen ’n waarskuwing uitgereik vir reisigers om ingevolge die huidige aandklokreël genoeg reistyd te beplan vir moontlike verkeersontwrigtings of vertragings op die pad.

“Reisigers op die N3 het Saterdagaand ’n verkeersontwrigting ervaar as gevolg van ’n ernstige ongeluk wat veroorsaak het dat die N3 vir ’n aantal ure naby Warden in die Vrystaat vir verkeer gesluit was, sê Dhoogra.

Die erns van die ongeluk en swaar reën het die opruiming van die toneel moeilik gemaak,” lui ’n verklaring deur die N3TC.

Meer oor:  Aandklokreël  |  Paaie  |  Verkeer
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.