Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Brande
Brand eis vrou in Soutrivier

’n Middeljarige vrou is Sondagoggend vroeg in ’n brand dood nadat informele strukture in Foundrystraat, Soutrivier, vlamgevat het.

“Die Kaapstad-metro se brandweer-en-reddingsdienste het Sondag om 02:40 begin om die brand by die informele strukture, wat op Transnet-eiendom gebou is, te blus en om 03:01 op die lyk van ’n volwasse vrou afgekom,” sê Jermaine Carelse, woordvoerder.

Die brand is om 03:34 geblus.

Altesaam vyf strukture is in die brand vernietig, maar geen verdere beserings is aangemeld nie. Die strukture is aangrensend tot die voetpad by die platform van die Soutrivier-treinstasie.

Die polisie ondersoek die voorval.

’n Brandbestryder blus die vlamme by Paardenkloof. Foto: Twitter/Working on Fire

Intussen het brandbestryders van Werk met Vuur (WoF) in Kleinmond Sondagnag gespook om ’n brand in die Paardenkloof-omgewing naby Botrivier te blus.

“Hulle het deur die nag gewerk en uitstekende werk gedoen,” sê Colin Deiner, hoof van rampbestuur in die provinsie.

“Die brandweerdienste het, met die hulp van die grondeienaar, die brand onder beheer gebring.”

Hy sê hoewel daar nie Maandagmiddag vlamme was nie, smeul dit steeds.

“Die span was weer Maandag om 08:00 op die toneel om die gebied te beveilig.”

Brandbestryders van die Hottentots-Holland-afdeling van WoF het ook Sondag ’n bergbrand naby die Theewaterskloofdam geblus. Brandbestryders was ook Maandag op die toneel om opvlammings te voorkom.

Meer oor:  Soutrivier  |  Brand  |  Vrou Sterf
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.