Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Droogte
Droogtehulp: 'Boere gaan min sien van R300 miljoen'

Terwyl die aankondiging van ’n provinsiale droogteramp in die Noord-Kaap op die vooraand van die ANC se 108ste verjaardagviering in Kimberley deur die DA verwelkom is, blyk die verbintenis om ramphulp van R300 miljoen te verskaf, niks meer as ’n rookskerm te wees nie.

Só sê Reinette Liebenberg, DA-woordvoerder oor landbou, landelike ontwikkeling en grondhervorming in die Noord-Kaap.

Dit kom nadat Nomandla Bloem, LUR van landbou in die Noord-Kaap, aangekondig het dat geen van die droogtehulp vir veevoer vir boere gebruik sal word nie.

Volgens Liebenberg gaan slegs R82 miljoen van die bedrag vir die boor van boorgate vir boere gebruik word, terwyl die oorblywende R218 miljoen in die munisipaliteite gepomp sal word – wat oor die jare heen versuim het om hul waterinfrastruktuur in stand te hou.

Dit sluit in wanfunksionele munisipaliteite soos die Kareeberg-munisipaliteit wat vier jaar later nog nie ’n oplossing gevind het vir sy waterprobleme in Van Wyksvlei nie.

“Met die plaaslike verkiesings om die draai, lyk dit asof die regering so laag gedaal het dat hulle rampfinansiering vir ander doeleindes gaan gebruik.

“Met ander woorde die ANC-regering stel nie regtig daarin belang om die uitwerking van die droogte op boere, plaaswerkers en die groter landelike gemeenskappe te verlig nie. In plaas daarvan gaan dit oor stemme en om aan die bewind te bly.”

Liebenberg sê hulle wag steeds op antwoorde van die regering oor hoe die rampfonds gebruik gaan word.

Meer oor:  Da  |  Noord-Kaap  |  Droogte  |  Droogtehulp
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.