Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
DAG 185: 1 268 nuwe gevalle in SA aangemeld; dodetal styg met 22

Dit is dag 185 van die nasionale staat van inperking. Suid-Afrika is op vlak 1.

27 Sep. 22:20:41

‘Geen kortpaaie’ met moontlike entstof

Die Wêreldgesondheidsorganisasie (WGO) het mense op sosiale media gerus gestel oor die veiligheid van enige potensiële entstof teen die koronavirus.

Dr. Soumya Swaminathan, die WGO se hoofwetenskaplike, sê die publiek moet daarvan verseker word dat geen kortpaaie met enige entstof gevat sal word nie.

“Mense kan verseker wees dat die standaarde wat wêreldwyd geld vir die lisensiëring van entstowwe en medikasie, ook in dié geval sal geld. Daar sal geen kortpaaie wees nie.”

27 Sep. 21:15:13

So lyk wêreldwye syfers

Die wêreld is vinnig besig om nader te beweeg aan 1 miljoen sterftes weens die koronavirus.

Teen Sondagaand was die sterfgevalle op 995 190, met die meeste sterftes in die VSA (204 550), gevolg deur Brasilië (141 406) en Indië (94 504).

Daar is wêreldwyd reeds 32,9 miljoen bevestigde gevalle van die koronavirus aangemeld, waarvan 7 084 523 in die VSA, 5 992 532 in Indië en 4 717 991 in Brasilië.

Suid-Afrika is op nege na die land met die meeste infeksies ter wêreld met 669 498 gevalle.

27 Sep. 21:14:45

Amper 50 000 nuwe koronavirusgevalle in VSA

Die Amerikaanse sentrums vir siektebeheer en -voorkoming (CDC) het Sondag die land se kumulatiewe koronavirusgevalle met 49 871 opgeskuif na 7 059 087.Die dodetal in die land het met 853 toegeneem tot 204 033. – Reuters

27 Sep. 21:14:23

Nederland teken telkens nuwe rekords aan

'n Rekordgetal nuwe bevestigde koronavirusinfeksies van 2 995 is Sondag in Nederland aangeteken.

Die land is tans in die greep van 'n tweede golf van infeksies.

Sedert die middel van September word byna daagliks nuwe rekordgetalle van nuwe bevestigde koronavirusinfeksie aangeteken.

Die vorige rekord – 2 777 – is Vrydag aangeteken.

Nederland het tans 113 518 kumulatiewe gevalle.

Die sterftesyfer is 6 374. – Reuters

27 Sep. 20:54:32

So lyk die jongste syfers in Suid-Afrika

1 268 nuwe koronavirusgevalle is Sondag in Suid-Afrika aangemeld. Die kumulatiewe syfer is nou 670 766. 

22 sterftes is in dieselfde tydperk aangemeld: Wes-Kaap (7),  KwaZulu-Natal (5), Gauteng (2), Noordwes (5) en Wes-Kaap (3). 

Die herstelkoers is nou 90% met 603 721 mense wat van die virussiekte kon herstel. 

27 Sep. 20:51:07

27 Sep. 19:34:14

So lyk wêreldwye syfers

Die wêreld is vinnig besig om nader te beweeg aan 1 miljoen sterftes weens die koronavirus.

Teen Sondagaand was die sterfgevalle op 995 190, met die meeste sterftes in die VSA (204 550), gevolg deur Brasilië (141 406) en Indië (94 504).

Daar is wêreldwyd reeds 32,9 miljoen bevestigde gevalle van die koronavirus aangemeld, waarvan 7 084 523 in die VSA, 5 992 532 in Indië en 4 717 991 in Brasilië.

Suid-Afrika is op nege na die land met die meeste infeksies ter wêreld met 669 498 gevalle.

27 Sep. 18:58:30

Madrid is ’n twispunt

Die Spaanse regering en owerhede in Madrid verskil oor hoe om die tweede golf van koronavirusinfeksies in die Spaanse hoofstad te hanteer.

Meer as ’n derde van Spanje se 716 481 gevalle is in Madrid gediagnoseer.

Die streeksregering het in ’n poging om ’n hernieude uitbreking van die pandemie in die stad te keer, 45 woongebiede onder ’n gedeeltelike inperking geplaas.

Meer as 1 miljoen inwoners word hierdeur geraak.

Die streeksregering weier egter om soos die nasionale regering versoek, die hele hoofstad aan inperkingsmaatreëls te onderwerp.

27 Sep. 17:28:00

Halfmiljoen haaie dalk doodgemaak

Natuurbewaarders is bekommerd dat tot soveel as 'n halfmiljoen haaie dalk doodgemaak kan word vir koronavirusentstowwe.

Een van die bestanddele in van die entstowwe vir die koronavirus wat getoets word, is skwaleen, 'n natuurlike olie wat van haailewer gemaak word.

Dit word tans in medisyne gebruik as 'n hulpmiddel om die effektiwiteit van entstowwe te verhoog deur 'n sterker reaksie van die immuunstelsel te aktiveer.

Sowat 3 000 haaie word gebruik vir een ton skwaleen.

Lees die hele berig hier.
Meer oor:  Infeksies  |  Koronavirus  |  Vlak 1  |  Syfers  |  Covid-19  |  Inperkingsregulasies
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.