As of today, the number of #COVID19 cases is 730 548 with 1 712 new cases identified since the last report. The number of tests done is 4 893 683 with 25 073 new tests conducted since the last report. Our recoveries now stand at 660 185 which translates to a recovery rate of 90% pic.twitter.com/u6Ah51FvPR

— Department of Health (@HealthZA) November 4, 2020

Nog 1 712 gevalle, 46 sterftes in SA aangemeld

Nog 1 712 bevestigde gevalle van die koronavirus is Dinsdagaand in Suid-Afrika aangemeld. Dit bring die kumulatiewe aantal gevalle in die land op 730 548 te staan. Nog 46 sterftes is ook sedert Dinsdag aangeteken. Die sterftesyfer in Suid-Afrika is tans x. Van die 46  sterftes is 9 sterftes die afgelope 24-48 uur aangeteken.

Coronavirus: The race for a vaccine is edging towards the finish line - but we don't know how far off a winner is https://t.co/fTGSC3uoUv

— SkyNews (@SkyNews) November 4, 2020

So gooi Europa wal teen tweede vlaag infeksies

Met groot dele van Europa wat vasgevang is in die tweede vlaag van koronavirusinfeksies, het talle groot lande opnuut hul beperkings verskerp.

Luidens die jongste verslag van die Europese sentrum vir siektevoorkoming-enbeheer (ECDC) het Europa nou kumulatief meer as 10,6 miljoen infeksies aangemeld, met 272 977 mense wat aan Covid-19 dood is.

Die topvyf lande in Europa met die meeste infeksies is Rusland (1 655 038), Frankryk (1 466 433), Spanje (1 240 697), Brittanje (1 053 864) en Italië (731 588).

In ’n poging om die groeiende tweede vlaag te beperk, het verskeie lande nuwe beperkings en selfs nasionale inperkings aangekondig. The Guardian berig baie betogings het intussen in verskeie Europese stede, soos Brussel, Berlyn, Madrid en Rome, uitgebreek deur mense wat in opstand kom teen strenger beperkings omdat hulle meen dit maak inbreuk op hul persoonlike vryheid, en ander wat glo die koronavirus bestaan nie.

Spesialiste versorg 'n pasiënt in 'n tydelike hospitaal wat by 'n winkelsentrum in Moskou opgerig is.    Foto: Reuters 

Rusland teken rekordgetal gevalle aan

Rusland het Woensdag 19 768 nuwe gevalle aangemeld, waarvan 5 826 in Moskou was.

Daar is nou 1 693 454 kumulatiewe gevalle in die land – die vierde meeste ter wêreld, berig Reuters.

Daar is Woensdag 389 nuwe sterftes aangemeld, dus is daar nou reeds 29 217 mense in die land aan Covid-19 dood.

Russia reports record number of new coronavirus cases, deaths https://t.co/ImxR71DgSx pic.twitter.com/aYK4yfeb49

— Reuters (@Reuters) November 4, 2020

New data from Italy show that regions worst-hit by the first waves of the pandemic now benefit from some degree of immunity https://t.co/JBGcUPpK7X

— The Economist (@TheEconomist) November 4, 2020

Jongste wêreldsyfers

Meer as 47 404 miljoen kumulatiewe gevalle is reeds wêreldwyd aangemeld met 1 212 844 sterftes, luidens die gesaghebbende Johns Hopkins-koronavirushulpbronsentrum.

Lande met die meeste kumulatiewe gevalle:

Amerika: 9 382 079

Indië: 8 313 876

Brasilië: 5 566 049 

The number of new COVID-19 cases in the United States hit another record high last week, rising 18% to more than 575,000, while deaths inched up 3%, according to @Reuters analysis of state and county reports https://t.co/TRqs9GazVs

— Reuters (@Reuters) November 3, 2020

Argentinië hoop kruin is verby

Argentinië se regering is hoopvol die kruin van sy koronavirusgevalle is verby, nadat sy weeklikse gemiddeld beduidend gedaal het.

Die land het reeds sowat 1,18 miljoen kumulatiewe gevalle en 31 623 sterftes aangemeld.

In Maart is ‘n streng inperking aangekondig, maar soos dit stelselmatig verslap is, het die gevalle weer begin styg en teen 21 Oktober is ‘n rekordgetal infeksies aangeteken. Hierna het die daaglikse infeksiekoers begin daal.

In northern Argentina, the Argentine Red Cross supports Indigenous communities during the COVID-19 pandemic with food, water and first aid pic.twitter.com/wuNWWJ8DeZ

— IFRC Americas (@IFRC_es) October 30, 2020

Australië seëvier

Die Australiese staat Victoria het Woensdag vir die vyfde agtereenvolgende dag geen nuwe gevalle van die koronavirus aangemeld nie.

Dié staat, wat die tweede grootste bevolking in die land het, het tot dusver 90% van die land se 907 sterftes gehad, maar geen nuwe sterftes is oor die afgelope week in die staat aangemeld nie.

Australië het net meer as 27 600 kumulatiewe gevalle.

Ná drie maande se streng beperkings het Victoria verlede week restaurante in die hoofstad, Melbourne, toegelaat om te heropen.

Suid-Australië en Victoria beplan die heropening van hul grense oor twee weke, terwyl die staat Nieu-Suid-Wallis se besluit rondom sy grensbeperkings eers later verwag word. - Reuters