Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
DAG 250: 2 295 nuwe infeksies; 109 sterftes in SA aangemeld

Dit is dag 250 van die nasionale staat van inperking. Suid-Afrika is op vlak 1 met meer as 790 000 infeksies en meer as 21 500 sterftes.

Hier volg die jongste verwikkelinge: 

01 Des. 21:43:34

Die jongste syfers in Suid-Afrika

2 295 nuwe gevalle is sedert Maandagaand se verslag in die land aangemeld. Die kumulatiewe syfer is tans 792 299.

109 sterftes is sedert Maandagaand aangemeld. Die sterftesyfer is tans 21 644.

01 Des. 21:20:09

01 Des. 20:52:12

01 Des. 20:07:48

01 Des. 20:07:14

Meer as 4,2 m. infeksies in November in VSA

Meer as 4,2 m. nuwe gevalle van die koronavirus is in November in Amerika aangemeld.

Dié syfer is amper dubbeld soveel soos die vorige rekordgetal wat in Oktober aangemeld is.

Tog is daar baie Amerikaners wat verseg om gesigmaskers te dra en ondanks kenners se aanbevelings steeds in groot getalle saamdrom.

Nou word daar gehoop dat twee entstowwe die hoë infeksiekoers in die land sal kan stuit.

’n Paneel raadgewers kom op 10 Desember byeen om terugvoering aan die Amerikaanse voedsel-en-medisyne-owerheid (FDA) te gee oor die noodgoedkeuring van die entstof wat deur Pfizer ontwikkel is.

Die raadgewers kom ’n week later weer byeen om te besluit oor ’n tweede kandidaat-entstof van Moderna.

Ander farmaseutiese maatskappye, onder meer AstraZeneca PLC en Johnson & Johnson, het ook reeds ver gevorder met die ontwikkeling van hul entstof.

Die virussiekte het in November die lewens van meer as 36 000 mense geëis en ’n rekordgetal hospitaliserings van 93 000 is Sondag aangeteken, sê Reuters.

01 Des. 19:56:12

01 Des. 19:55:39

Update on the coronavirus 1 December 2020 As of 1pm on 1 December, the Western Cape has 9683 active Covid-19...

Posted by Premier Alan Winde on Tuesday, 1 December 2020

01 Des. 19:26:55

Pandemie is woord van die jaar

Daar is geen verrassing aan die Merriam-Webster-woordeboek se woord van die jaar vir 2020 nie: “pandemie”.

Mense het vanjaar, waarin minstens 1,4 miljoen mense wêreldwyd aan Covid-19 gesterf het, die woord “pandemie” meer as enige ander op die woordeboek se aanlyn platform nageslaan, sê Mer­riam-Webster op sy webwerf.

“Soms definieer ’n enkele woord ’n era en dit is gepas in hierdie uitsonderlike en uitdagende jaar dat ’n enkele woord dadelik na vore gekom het,” sê die woordeboek se uitgewers.

Merriam-Webster.com definieer ’n pandemie as “ ’n uitbreking van ’n siekte wat oor ’n groot geografiese area heen gebeur (soos veelvoudige lande of vastelande) en ti­pies ’n beduidende proporsie van die bevolking affekteer.”

Die woord se Griekse wortels is “pan”, wat “alles” of “elke” beteken, en “demos” – “mense”, sê Merriam-Webster.

Die woord het gesorg vir “die enkele grootste toename in navrae vanjaar en het ’n toename van 115,8% getoon oor navrae op dieselfde dag in 2019,” sê die maatskappy, wat in 1831 gestig is.

Verlede jaar se wenner was die woord “hulle”, met verwysing na iemand wat hulself nie as manlik of vroulik beskou nie. V

orige jare­ se wenwoorde was “ge­regtigheid” in 2018, “feminisme” in 2017 en “surreëel” in 2016.– Reuters

01 Des. 19:25:22

Pandemie pootjie koninklike Kersfees

Koningin Elizabeth en prins Philip sal Kersfees in Windsor-kasteel deurbring, het Buckinghampaleis Dinsdag bekend gemaak.

Die koningin en ander senior koninklikes bring gewoonlik Kersfees op die Sandringham-landgoed in Norfolk deur.

Weens die Covid-19-pandemie en inperkingsmaatreëls het die egpaar besluit om eerder Kersdag stil in Windsor-kasteel deur te bring.

Volgens ’n paleiswoordvoerder voel die koningin en prins bevoorreg om elke jaar die Kerstyd saam met hul uitgebreide familie deur te bring, maar omdat net drie huishoudings bymekaar kan kom oor die Kerstyd, maak dit dinge moeilik vir hul familielede.

Dit sal die eerste keer in 33 jaar wees dat die koninklike egpaar nie die Kerstyd op Sandringham deurbring nie.Die Kersfees daar is gewoonlik allermins ’n tyd vir ontspan. Die dagboek vir die Kerstyd word tot op die minuut beplan.

Daar is vroeër berig personeel op Sandringham is nie geneë om hulself af te sonder om ’n sogenaamde “Sandringham-borrel” om die koningin en Philip te vorm nie.

Die “Windsor-borrel” is kort voor Paasfees geskep om die koningin en haar man so veilig moontlik teen die koronavirus te hou.

Die minste moontlike personeel sien om na hulle om blootstelling aan die virus tot die minimum te beperk.

01 Des. 18:42:08

Meer oor:  Koronavirus  |  Koronavirussiekte  |  Covid-19
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.