Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
DAG 252: 4 400 nuwe bevestigde infeksies die afgelope 24 uur

Pres. Cyril Ramaphosa spreek die land omstreeks 20:00 Donderdagaand toe oor die jongste verwikkelinge rakende Suid-Afrika se nasionale reaksie op die koronaviruspandemie.

Die toespraak kom nadat Ramaphosa die afgelope paar dae met die nasionale koronavirus-bevelsraad, die presidensiële koördineringsraad en die kabinet vergader het op ’n spesiale sitting om onder meer aanbevelings van die bevelsraad vir Suid-Afrika te oorweeg.

Dit is dag 252 van die nasionale staat van inperking. Suid-Afrika is op vlak 1 met meer as 796 000 infeksies en byna 22 000 sterftes.

Hier volg die jongste verwikkelinge:

03 Des. 22:17:03

Jongste syfers

Daar is die afgelope 24 uur 4 400 nuwe bevestigde infeksies aangemeld. Dit bring die totaal in Suid-Afrika op 800 872 te staan.

In dieselfde tydperk is 94 mense dood. Die sterftesyfer staan tans op 21 8003.

03 Des. 20:50:20

Ons ‘moet ons herverbind tot die geveg’

Ons staan saam met die provinsiale en metro-leiers in hul stryd teen die virus.

Oor die afgelope agt maande het ons daarin geslaag om die virus onder beheer te bring deur saam te werk. Ons het die pandemie beveg met alles wat ons het. Ons het derduisende lewens gered deur ons gesamentlike pogings. Ons kan nie die winste opoffer wat ons tot dusver gemaak het nie.

Ons kan nie terugkeer na die donker maande van Junie en Julie nie. Onthou julle? Toe ons almal in vrees geleef het. Ons almal weet ’n tweede golf is moontlik.

Ons moet ons almal herverbind tot die geveg. Ons veg hier vir ons lewe. Net soos in die vroeë dae van die pandemie, laat ons saamstaan en saamwerk.

Ons sal weer soos voorheen deur die moeilike tye kom. Mag God aanhou om ons mooi land te seën en ons almal beskerm. Baie dankie.

03 Des. 20:45:46

Laai die Covid Alert-app af

Ramaphosa sê dit sal ook help as Suid-Afrikaners die Covid Alert-app aflaai. Mense wat dit nog nie afgelaai het nie, sal agtergelaat word.

Hy sê die land kan dit nie bekostig om gemaklik te raak met die pandemie nie.Waar dit in ander lande gebeur het, is hulle deur ’n tweede vlaag van die virus getref. As daar ooit ’n tyd was om versigtig te wees, is dit nou.

Die feestyd is op hande. Skole en universiteite het gesluit. Baie werksplekke gaan toemaak. Ons maak gereed om by familie te gaan kuier.

Reis bring baie risiko’s. Dit is beter om nie te reis nie. Die somer is tradisioneel ’n tyd vir sosiale saamtrekke waar ons gebeurtenisse bywoon. Dié gebeurtenisse kan egter superverspreiders van die virus word. Ons moet ons ouers beskerm. Ons moet saamtrekke klein hou en dit buite hou. 

03 Des. 20:40:44

Ramaphosa het nie die verwagte strenger inperkings in die Tuinroete en die Kaapse metropool aangekondig nie.

03 Des. 20:39:10

Solidariteitsfonds bewillig geld vir entstof

Ramaphosa sê die enigste manier om die virus doeltreffend te beveg, is ’n entstof. Verskeie word tans wêreldwyd getoets.

Daar was reeds gesprekke dat geen land agtergelaat moet word om toegang tot die entstowwe te kry as dit beskikbaar word nie. Suid-Afrika is deel van die Covax-inisiatief om entstowwe aan te koop en die Solidariteitsfonds sal R327 miljoen bewillig om die land te help om entstowwe aan te koop.

Totdat ’n entstof beskikbaar is, bly dit elkeen se verantwoordelikheid om hulle teen die virus te beskerm.

Deur maskers te dra, sal ons mekaar kan veilig hou. Ook deur die handhawing van ’n veilige afstand, die vermyding van groot saamtrekke en die was van hande.

Ramaphosa sê hy herhaal dié boodskap, want hy wil hê dit moet insink.

03 Des. 20:36:27

Geen inperkings tans vir Wes-Kaap

03 Des. 20:34:03

Vlak 1 bly in res van land geld

Dr. Zweli Mkhize, minister van gesondheid, sal binnekort  die Sarah Baartman-distrik en die Tuinroete besoek om die situasie daar vas te stel. Verdere aanbevelings sal, indien nodig, ook daar ingestel word.

Die nasionale ramptoestand word tot 15 Januarie verleng.

Alle vlak 1-beperkings bly in die res van die land van krag.

Ramaphosa sê daar is voldoende maatreëls om die verspreiding van die virus te bekamp as almal doen wat van hulle verwag word om hulself te beskerm.

Hy sê diegene wat oortree, moet die gevolge dra. Wetstoepassingsagentskappe is versoek om te verseker dat alle oortreders vasgevat word.

03 Des. 20:30:59

Tweede vlaag sal erge terugslag vir SA wees, sê Cyril.

03 Des. 20:29:34

Somer-inisiasie-seisoen mag voortgaan

Daar is egter besluit dat die somer-inisiasie-seisoen in die Oos-Kaap mag voortgaan nadat tradisionele leiers met ’n omvattende plan vorendag gekom het om die inisiasies so veilig moontlik teen die koronavirus aan te bied.

Weens die hoë vlakke van infeksies in die Nelson Mandelabaai-metro, word geen inisiasieskole in die metro toegelaat nie.

03 Des. 20:28:57

Cyril vra mense om in feesseisoen ekstra versigtig te wees en samekomste eerder klein en buite te hou.

Meer oor:  Koronavirus  |  Koronavirussiekte  |  Covid-19
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.