Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
OORSIG: Nog 806 mense sterf; 18 555 nuwe gevalle

Só lyk die jongste syfers wat Woensdagaand laat bekend gemaak is:


13 Jan. 22:12:30

Jongste syfers

Daar is 806 mense dood sedert die laaste syfers bekend gemaak is. Dit bring die sterftesyfer op 35 140 te staan en is die hoogste sterftesyfer in 'n enkele dag sedert die uitbreking van die  pandemie in die land. Die meeste sterftes is in KwaZulu-Natal aangemeld - 235, gevolg deur Gauteng - 211.

Daar is tot dusver 1 278 303 gevalle van Covid-19 in die land bevestig. 18 555 nuwe gevalle is aangemeld.

Altesame 1 030 930 mense het herstel. Die herstelkoers is 80,6%

13 Jan. 22:04:21

13 Jan. 21:54:08

Antwoorde gesoek oor staat se plan met entstowwe

Die burgerregte-organisasie AfriForum en Solidariteit het dr. Nkosazana Dlamini-Zuma, minister van samewerkende regering en tradisionele sake, tot 20 Januarie gegee om antwoorde oor die regering se implementeringsplan vir Covid-19-entstowwe te verskaf.

Dit volg nadat dié twee organisasies met regstappe teen Dlamini-Zuma en dr. Zweli Mkhize, minister van gesondheid, begin het.

Solidariteit sê daar is geen duidelikheid oor of die private sektor, wat volgens wet die reg het om entstowwe aan te koop, enige toegang tot Covid-19-entstowwe sal hê nie.

“Die gevolg hiervan sal wees dat die staat totale beheer sal kan uitoefen en dus ook toegang tot entstowwe sal beperk vir die private sektor, waaronder apteke, mediese fondse en privaat hospitale, en veral dus ook vir die wyer publiek.

”Solidariteit meen die regering het hom die reg toegeëien om die enigste aankoper van entstowwe in Suid-Afrika te wees, het Connie Mulder, hoof van die Solidariteit-navorsingsinstituut, gesê.

Lees meer
13 Jan. 20:30:51

'Derde, vierde vlaag moontlik voor kudde-immuniteit'

n Derde en selfs vierde vlaag van koronavirusinfeksies kan verwag word voordat Suid-Afrika kudde-immuniteit bereik en selfs met ’n entstof sal die dra van maskers, was van hande en ’n veilige afstand tussen mense noodsaaklik bly.

Dr. Keith Cloete, hoof van die Wes-Kaapse departement van gesondheid, het Woensdag aan die provinsiale wetgewer gesê die departement beplan om in Februarie met inentings te begin ná die ontvangs van die eerste besendings van AstraZeneca se entstof einde vandeesmaand.

Cloete het in sy voorlegging aan die ad hoc-Covid-19-komitee daarop gewys dat een miljoen dosisse einde Januarie en nog 500 000 in Februarie verwag word. Dié entstof benodig twee dosisse.

Dr. Nomafrench Mbombo, LUR vir gesondheid, sê dit sal onverantwoordelik wees as die provinsie ’n derde of vierde vlaag ingaan sonder dat gesondheidswerkers ingeënt is.

“Dit sal oneties wees as ons hulle nie inent ter voorbereiding van ’n derde of vierde vlaag nie.”

Sy het gesê die provinsiale regering moet ook daarvoor beplan as ’n volgende vlaag voorkom en daar is nie genoeg van die entstof of ’n tweede dosis nie.

Lees meer
13 Jan. 20:04:36

Virus loop steeds voor in Gauteng

Die Johannesburg-metro loop steeds voor wat koronavirusgevalle in Gauteng betref.

Luidens ’n verklaring van die provinsie se departement van gesondheid is 13 7826 mense in die metropool teen 12 Januarie positief getoets, waarvan 1 030 nuwe gevalle in die afgelope 24 uur was.

Tot dusver het 2 163 mense reeds in die Johannesburg-metro aan Covid-19 gesterf, en die metro bly die grootste bydraer tot Gauteng se totale getal sterftes wat tans op 6 395 staan.

Die metro het ook die grootste getal mense wat reeds herstel het, naamlik 119 725 van Gauteng se 289 517.

Dit is 37 040 meer gevalle en 568 meer sterftes as ’n week gelede.

Sedert die begin van die pandemie is 341 460 mense in die provinsie positief getoets.

Die Tshwane-metro het met 1 158 die meeste nuwe gevalle binne 24 uur in die provinsie aangeteken. Luidens die verklaring word 4 724 mense tans in staats- en private hospitale behandel.

13 Jan. 19:48:35

13 Jan. 19:46:54

2de helfte van 2021 dalk nog moeiliker, maan WGO-hoë

Die tweede helfte van vanjaar kan weens die koronaviruspandemie taaier as die eerste ses maande van die jaar wees, veral in die noordelike halfrond, het Mike Ryan, hoof van noodgevalle van die WGO, Woensdag gesê.

Volgens Ryan kan dit weens die "transmissie-dinamika" wees.Maria van Kerkhove, tegniese hoof van die WGO se Covid-19-taakspan, het gesê ná die vakansie gaan die situasie in baie lande eers vererger voordat dit sal verbeter. – Reuters

13 Jan. 19:22:33

Vatikaanstad begin met inentings

Die Vatikaanstad, die wêreld se kleinste staat, het Woensdag begin om dokters en ander werkers van die Vatikaan se gesondheidsdienste teen die koronavirus in te ent.

Dit is nie duidelik of pous Franciscus al ingeënt is nie.

Die Vatikaan het verlede week gesê hy het ultrakoue yskaste aangekoop om die entstof in te berg, wat daarop dui dat die Vatikaan van Pfizer en BioNTech se entstof gebruik gemaak.

Dié entstof moet teen -70 °C geberg word. –Reuters

13 Jan. 19:10:15

‘Foute dalk gemaak’ met aankoop van entstof

Prof. Barry Schoub, voorsitter van die ministeriële advieskomitee vir entstowwe, gee toe daar is dalk foute gemaak met die aankope van entstowwe vir Suid-Afrika.

Hy sê egter die regering sal duidelikheid hieroor moet gee en boonop beskou hy self nie die regering se entstof-strategie as ’n mislukking nie.

Dit kom nadat vrae ontstaan het oor of die regering sy planne agtermekaar het om so gou as moontlik genoeg entstof vir Suid-Afrika te bekom om die pandemie meer beheerbaar te maak.

Lees die volledige berig hier.
13 Jan. 18:31:56

Meer oor:  Infeksies  |  Hospitaal  |  Koronavirus  |  Koronavirussiekte  |  Gevalle  |  Entstof  |  Sterftes  |  Covid-19  |  Covid-19-Entstof  |  Bevelsraad
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.