Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
OORSIG: 13 973 nuwe Covid-19-gevalle, nog 384 mense sterf

Volgens die jongste verklaring van die nasionale departement van gesondheid, wat Saterdagaand uitgereik is, is 13 973 nuwe Covid-19-gevalle en nog 384 sterftes weens die virussiekte aangemeld.


16 Jan. 22:50:53

16 Jan. 22:47:57

Mutasie dryf nuwe infeksies in Wene

Toetse op 83 nuwe koronavirusgevalle in Wene, hoofstad van Oostenryk, dui daarop dat die hoogs aansteeklike mutasie van die koronavirus, B.1.1.7, by 14 pasiënte, of 17%, geïdentifiseer is, het die Oostenrykse nuusagentskap Saterdag berig.

Die identifisering van die mutasie is deur die Mediese Universiteit van Wene gedoen.Oostenryk het eers onlangs begin om mense wat positief vir die koronavirus getoets is se monsters vir die mutasie te analiseer. – Bloomberg

16 Jan. 22:47:02

29 sterf in Noorweë ná immunisering

29 mense – almal 75 jaar of ouer – is in Noorweë dood nadat hulle die eerste dosis van die Pfizer-BioNTech-entstof gekry het.

Die Pfizer-BioNTech-entstof was tot Vrydag die enigste entstof wat in Noorweë beskikbaar was en “alle sterftes hou dus verband met die entstof”, het die Noorweegse mediese agentskap in ’n geskrewe antwoord aan Bloomberg gesê.

16 Jan. 22:17:04

16 Jan. 21:57:21

16 Jan. 21:49:32

16 Jan. 21:48:59

Rusland hervat vlugte na dié lande

Rusland het besluit om vlugte na Viëtnam, Indië, Finland en Katar op 27 Januarie te hervat nadat die koronavirussituasie in dié lande in heroënskou geneem is, het die Russiese nuusdiens Interfax berig. – Bloomberg

16 Jan. 21:48:52

Nuwe rekordsyfers in Portugal

Die hoogste daaglikse aantal koronavirusgevalle sedert die uitbreek van die pandemie verlede jaar is Saterdag in Portugal aangemeld.

10 947 nuwe gevalle is aangemeld, vergeleke met die vorige rekord van 10 698 wat Donderdag aangeteken is.

Die kumulatiewe aantal gevalle in die land is tans 539 416.

Die aantal pasiënte wat in waakeenhede versorg word, het van 16 tot 638 gestyg, volgens data van die regering.

Portugal is een van talle lande wat met die tweede vlaag van die pandemie strenger inperkingsmaatreëls aangekondig het, soos die sluit van winkels wat nienoodsaaklikhede verkoop. – Bloomberg

16 Jan. 21:42:39

VSA-sterftes neem effe af

Hoewel 216 769 nuwe koronavirusgevalle Vrydag in die VSA aangemeld is en die weeklikse gemiddeld van gevalle steeds styg, is die nuwe gevalle minder as wat die vorige drie dae aangemeld is, volgens data van die Johns Hopkins-Universiteit.

Daar is vandeesweek byna 20 000 meer nuwe gevalle per dag aangemeld, vergeleke met die vorige paar weke.

Die nuwe daaglikse sterftesyfer van 3 422 is ook minder as die vorige drie dae.

Die weeklikse sterftesyfer styg steeds met meer as 550 meer mense wat elke dag die afgelope week gesterf het, vergeleke met die vorige week. – Bloomberg

16 Jan. 21:25:33

Meer oor:  Infeksies  |  Hospitaal  |  Koronavirus  |  Koronavirussiekte  |  Gevalle  |  Entstof  |  Sterftes  |  Covid-19  |  Covid-19-Entstof  |  Bevelsraad
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.