Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
OORSIG: Meer gevalle, meer sterftes in SA

Dit is dag 334 van die nasionale staat van inperking wat weens die koronavirus-pandemie ingestel is. Suid-Afrika is op vlak 3 met meer as 1,5 miljoen infeksies en byna 50 000 sterftes.

Hier volg die jongste verwikkelinge: 

23 Feb. 22:48:36

Brandbestryders in Hongkong word Dinsdag met die Sinovac Biotech-entstof ingeënt. Foto: Getty Images


23 Feb. 22:48:12

Meer gevalle, meer sterftes in SA

263 sterftes is sedert Maandag se verslag in die land aangemeld, het dr. Zweli Mkhize, minister van gesondheid, Dinsdagaand in 'n verklaring bekend gemaak.

Die vorige dag was die getal aansienlik laer op 97. Die sterftesyfer in die land staan nou op 49 413.

Sedert die vorige verslag is 998 nuwe Sars-CoV-2-gevalle aangemeld teenoor die vorige dag toe 792 gevalle aangemeld is. Die kumulatiewe syfer in die land is nou 1 505 586. 

Teen Dinsdagaand is 32 315 Suid-Afrikaners reeds ingeënt.

23 Feb. 21:56:38

Die aantal toeriste wat die Groot Muur in China besoek, het tydens die pandemie met 60% gedaal. Dit het Dinsdag in Mutianyu gesneeu en die deel van die muur is nou met ‘n wit jas bedek. Foto: Getty Images

23 Feb. 21:35:15

'n Groot gemmerkat besoek die Groot Muur van China nadat dit Dinsdag daar gesneeu het. Foto: Getty Images

23 Feb. 21:35:15

'n Restaurantwerker sit in 'n leë eetplek tydens die inperking in Londen. Foto: Reuters

23 Feb. 21:01:00

Unifrutti se werkers het dalk virus op begrafnis opgedoen

Daar ís werkers op Unifrutti se Matroozefontein-plaas naby Piketberg in die Wes-Kaap wat positief vir die koronavirus getoets is, “maar dit is nie 27 mense soos wat beweer word nie”.

Unifrutti sê 15 mense is tot dusver positief getoets. Die ander wag nog vir hul uitslae.Die maatskappy vermoed die werkers is aan die virus blootgestel toe ’n groot groep van hulle op die naweek van 13 Februarie ’n begrafnis bygewoon het.

Lees die hele berig hier.
23 Feb. 20:50:01

Om Italianers wat met die koronavirus besmet is te help om gesond te word, is 'n spa in Pisa omskep in ‘n rehabilitasie-sentrum. Die pasiënte by die Casciana-spa swem met hul maskers aan. Foto: Reuters

Meer oor:  Infeksies  |  Hospitaal  |  Koronavirus  |  Koronavirussiekte  |  Gevalle  |  Entstof  |  Sterftes  |  Covid-19  |  Covid-19-Entstof  |  Bevelsraad
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.