Effek van entstof kan groter in 4de vlaag wees

Dit is onwaarskynlik dat ons kudde-immuniteit sal bereik voordat die derde vlaag van Covid-19-infeksies die land tref.

Entstowwe teen die koronavirus sal waarskynlik ook in ’n vierde vlaag ’n groter effek hê.

So sê kenners nadat pres. Cyril Ramaphosa Sondagaand gesê het ’n ooreenkoms is onlangs met Johnson & Johnson gesluit om nog 11 miljoen dosisse entstof te kry.

Hiervan sal 2,8 miljoen dosisse in die tweede kwartaal en die res deur die loop van die jaar gelewer sal word.

Tot 20 miljoen dosisse van Pfizer se entstof sal van die tweede kwartaal af in die land aankom en 12 miljoen dosisse word van die Wêreldgesondheidsorganisasie se Covax-inisiatief gekoop.

Prof. Shabir Madhi, wat die Suid-Afrikaanse navorsing oor die AstraZeneca-entstof gelei het en nou hoof van die Universiteit van die Witwatersrand se fakulteit van gesondheidswetenskappe is, sê die derde vlaag sal waarskynlik in Mei of Junie aanbreek.

“Dit is in die winter, wat beteken dat mense meer binnenshuis bymekaar sal kom. Die kanse vir oordrag is dan baie groter omdat mense waarskynlik vensters weens die koue gaan toemaak en die lug nie sal kan sirkuleer nie. Die virus sal dus in die lug wees.“ - Arisa Janse van Rensburg

Jongste syfers

Daar is die afgelope 24 uur 566 nuwe bevestigde gevalle aangemeld. Dit bring die totaal in Suid-Afrika op 1 513 59 te staan.

In dieselfde tydperk is 84 mense dood, wat die sterftesyfer op 50 077 te staan bring.

Altesame 1 431 336 mense het al herstel. Die herstelkoers is 94,5%.

Grootmaat-entstof waarskynlik eers ná derde vlaag hier

Suid-Afrika sal weens ’n wêreldwye bottelneksituasie met vervaardiging waarskynlik eers in die derde en vierde kwartaal die grootste hoeveelheid van sy entstof teen Covid-19 kan kry.

So het dr. Zweli Mkhize, minister van gesondheid, Maandag in ’n webinaar van die Universiteit van die Witwatersrand (Wits) gesê.

In dieselfde asem het hy gesê dat die regering die een miljoen dosisse van die AstraZeneca-entstof, wat waarskynlik lewens kon red, reeds aan ander lande verkoop het.

Dít terwyl daar na verwagting 250 000 tot 300 000 mense per dag ingeënt moet word om kudde-immuniteit te bereik.

Pres. Cyril Ramaphosa het Sondagaand gesê die tweede fase van inentings begin einde April of begin Mei. Dié fase sluit noodsaaklike werkers in, asook diegene met onderliggende siektetoestande en mense bo 60 jaar oud.

Die nuwe grootmaatinentings sal egter nie betyds wees om lewens te red wanneer die derde vlaag na verwagting tussen Mei en Junie gaan aanbreek nie. - Christiaan du Plessis en Arisa Janse van Rensburg

Oos-Kaap versnel pas van inentings

Met nog drie hospitale wat vandeesweek met inentings begin, maak die Oos-Kaapse regering gereed om die inenting van gesondheidswerkers teen Covid-19 te versnel.

Sedert Darlene de Vos, distriksdirekteur vir gesondheid in die Nelson Mandelabaai-metro, op 17 Februarie in die Livingstone-hospitaal in Gqeberha (Port Elizabeth) die eerste Oos-Kaapse gesondheidswerker was wat met die Johnson & Johnson-entstof ingeënt is, was 3 041 gesondheidswerkers in die provinsie teen verlede Woensdag ingeënt.

Die inentings in die Oos-Kaap is tot onlangs toe net in die Livingstone-hospitaal en die Nelson Mandela Akademiese Hospitaal in Mthatha gedoen. 

Met ’n verdere 1 040 dosisse entstof wat vandeesweek in die provinsie verwag word, sal die inentingsproses Woensdag ook in die Frere-hospitaal in Oos-Londen begin.

Volgens Sizwe Kupelo, provinsiale woordvoerder vir die gesondheidsdepartement, sal twee private hospitale in Oos-Londen en Gqeberha ook die inentings doen om te verseker dat die provinsie se inentingsprogram by sy tydlyn bly. - Cara-Lee Dorfling

Bly waaksaam onder vlak 1, vra Winde

Die verslapping van inperkings tot vlak 1 vereis dat almal verantwoordelik moet optree om hulself en hul geliefdes te beskerm, sê Alan Winde, Wes-Kaapse premier.

Winde het Maandag gesê persoonlike verantwoordelikheid is nou van die grootste belang om hospitalisasies en Covid-19-sterftes te verhoed.

Dit volg nadat pres. Cyril Ramaphosa Sondagaand aangekondig het dat inperkings landwyd tot vlak 1 verslap.

Winde sê die veranderings aan die inperkingsmaatreëls vereis dat almal “met selfs groter verantwoordelikheid optree. Covid-19 is steeds met ons en die moontlikheid van ’n derde vlaag kan nie uitgeskakel word nie.”

Hy het benadruk dat dit almal in die provinsie se verantwoordelikheid is om toe te sien dat lewens gered word en veilige ekonomiese aktiwiteit plaasvind om lewensmiddele te red. - Malherbe Nienaber

Entstowwe vir 21 m. SA'ners verseker

Die regering het deur onderhandelings met die Amerikaanse maatskappye Johnson & Johnson (J&J) en Pfizer entstof vir nog minstens 21 miljoen Suid-Afrikaners verseker.

Die eerste besendings hiervan word in die tweede kwartaal verwag en die res sal hopelik deur die loop van die jaar afgelewer word.

Die laaste daarvan word teen volgende jaar verwag. Suid-Afrika kry ook 12,5 miljoen dosisse entstof van die Wêreldgesondheidsorganisasie (WGO) se Covax-program.

Nog entstof sal ook na verwagting deur die Afrika-unie (AU) en ander entstofvervaardigers bekom word, maar die regering is nog besig met onderhandelings.

Pres. Cyril Ramaphosa het Sondag aangekondig dat ’n ooreenkoms met J&J gesluit is om 11 miljoen van sy enkeldosis-entstof deur die loop van die jaar te lewer

"The @WHO's singular focus at the moment is to suppress transmission [of #COVID19], which will help prevent the emergence of variants & reduce the number of people who become sick or hospitalized, and more importantly, to get as many people as possible vaccinated," -@DrMikeRyan.

— Global Health Strategies (@GHS) March 1, 2021

Pfizer, AstraZeneca se entstowwe help diegene ouer as 80

Die Pfizer- en AstraZeneca-entstof is meer as 80% doeltreffend om ná die toediening van een dosis of twee dosisse die hospitalisering van diegene ouer as 80 te verhoed, het Publich Health England (PHE) Maandag bekend gemaak.

Volgens die PHE se studie, met data wat uit Brittanje se entstofprogram verkry is, bied die Pfizer-BioNTech-entstof vier weke ná die toediening van die eerste dosis 57% tot 61% se beskerming teen simptomatiese Covid-19, en die Oxford-AstraZeneca-entstof 60% tot 73% se beskerming. – Reuters

#COVID19inSA
1/3/2020 1st patient diagnosed

1 year later:
>1,500,000 cases
>9,000,000 tests
~ 50,000 deaths
~ 150,000 excess deaths
2 waves
1 Variant-of-Concern 501Y.V2
1 v strained health care system
Multiple #Vaccinationtrials
70,000 HCW’s #vaccinatedagainstcovid
???????????? pic.twitter.com/5q5yEIU0iH

— Kerrin Begg (@KerrinBegg) March 1, 2021

Single shot of either Oxford-AstraZeneca or Pfizer-BioNTech Covid vaccine reduces chance of needing hospital treatment by more than 80%, analysis in England showshttps://t.co/0fUoRpvN8d

— BBC Breaking News (@BBCBreaking) March 1, 2021