08 April 2021 #COVID19 statistics in South Africa #CoronaVirusSA pic.twitter.com/DbR43xWNHT

— Department of Health (@HealthZA) April 8, 2021

Jongste syfers

Daar is die afgelope 24 uur 1 366 nuwe infeksies bevestig. Dit bring die totaal op 1 554 975 te staan.

In dieselfde tydperk is 62 sterftes aangemeld, wat die sterftesyfer opstoot tot 53 173.

Altesame 1 480 632 mense het al herstel. Die herstelkoers is 95%.

283 629 mense is tot dusver ingeënt.

Gebrek aan vlugte kortwiek entstowwe na SA

Die aflewering van die laaste besending van 200 000 entstofdosisse vir die Sisonke-studie is weens ’n gebrek aan regstreekse vlugte na Suid-Afrika vertraag.

Dr. Zweli Mkhize, minister van gesondheid, het dit Donderdag op ’n nuuskonferensie in Soweto bevestig toe hy verskeie inentingsgeriewe in Gauteng besoek het.

Teen Woensdag was sowat 278 909 mediese werkers landwyd met die entstof van Johnson & Johnson (J&J) ingeënt.

Uiteindelik sal 500 000 mediese werkers hiermee ingeënt word.Volgens Mkhize, wat vroeër gesê het dat die laaste besending van 200 000 dosisse Saterdag in Suid-Afrika sou aankom, het hulle intussen uitgevind dat daar voor volgende week geen regstreekse vlugte na Suid-Afrika sal wees nie.

Verskeie lande het weens die 501Y.V2-variant, wat hier in omloop is, reisbeperkings teen Suid-Afrika ingestel.

“Ons verwag dat die finale besending vroeg in volgende week sal aankom,” het Mkhize gesê. - Christiaan du Plessis

Riglyne vir besoeke aan Wes-Kaapse hospitale gewysig

Die riglyne vir besoeke aan Wes-Kaapse hospitale tydens die vlak 1-inperkings is gewysig om besoekers en mense wat pasiënte vergesel onder spesifieke omstandighede toe te laat.

Die provinsiale departement van gesondheid het die beperkings op hospitaalbesoeke verslap om verligting te bring aan pasiënte en hul families in die herstelproses terwyl streng voorsorgmaatreëls steeds geld.

Besoekers en metgeselle word nou by die ingange van gesondheidsgeriewe vir simptome van Covid-19 gesif.

Dr. Keith Cloete, departementshoof, het Woensdag in ’n verklaring herhaal dat die departement deur die loop van die pandemie geleer het om “met deernis op te tree” en dat beperkings op besoeke aanvanklik ingestel is om pasiënte en personeel teen die virus te beskerm.

“Niemand het geweet die pandemie sou ’n jaar later steeds met ons wees nie. In dié tyd het die departement baie geleer, nie net in die stryd teen die pandemie nie, maar ook oor die waardevolle rol wat families in pasiënte se herstelproses speel.” - Malherbe Nienaber

6 million people have now had their second jab.

Yesterday over 400,000 second doses were given.

A huge thank you to everyone helping to make this happen – it is an incredible achievement that has already saved thousands of lives.

— Boris Johnson (@BorisJohnson) April 8, 2021

Franse wil entstofprogram versnel

Meer as 10 miljoen mense in Frankryk is al met 'n eerste dosis Covid-19-entstof ingeënt.

Dit is 'n week voor die teiken wat die regering gestel het, het Jean Castex, die premier, Donderdag gesê.

Frankryk hoop om sy entstofprogram te versnel te midde van die stygende infeksies en nóg 'n nasionale inperking van 'n maand lank wat verlede naweek begin het. – Reuters

Indië ontken entstoftekort

Indië sê hy het meer as 43 miljoen Covid-19-entstofdosisse in voorraad of wat in die proses is om vervaardig te word.

Dit kom nadat baie lande gekla het dat hul entstofklinieke weens 'n tekort aan voorraad moet sluit.

"Hou op om spoke op te jaag!" het Harsh Vardhan, Indië se minister van gesondheid, op Twitter gesê.

"Wie beweer dat daar 'n tekort is? Ons monitor die situasie deurlopend en verhoog die voorraad."

Tot dusver is meer as 90 miljoen dosisse in Indië toegedien. – Reuters

Duitsland wil Sputnik V-entstof koop

Duitsland beoog om met Rusland te onderhandel om van sy Sputnik V-entstof te bekom indien dit deur die Europese owerhede goedgekeur word.

Jens Spahn, minister van gesondheid, sê hy het die Europese Unie (EU) daarvan verwittig dat Duitsland met Rusland daaroor gaan praat, nadat die EU dit vroeër duidelik gemaak het dat hulle nie ‘n kontrak gaan onderteken om Sputnik V-entstof te koop nie.

”Ons sal eerstens moet hoor wanneer en watter hoeveelheid afgelewer kan word . . . in die vierde kwartaal of dalk eers in 2022. Maar om ‘n verskil aan ons huidige situasie te maak, het ons aflewering binne die volgende twee tot vyf maande nodig. Anders sal ons in elk geval reeds genoeg entstof hê."

Die Duitse staat Beiere het Woensdag gesê hy gaan onafhanklik 2,5 miljoen dosisse van Sputnik V bekom sodra die EU dit goedgekeur. – BBC

Minister @DrZweliMkhize announced today that a combined 51 million doses of vaccines- 31 m from J&J’s one dose vaccine & 20 m from Pfizer’s 2 dose vaccine have been secured. We can now move ahead with plans for the mass rollout, due to begin at the conclusion of phase 1 on 17 May pic.twitter.com/lX4NNa5dLB

— David Makhura (@David_Makhura) April 8, 2021

What do we know about SA #CovidVaccines roll-out timelines so far? It might change (again), but here's what we know so far. @Bhekisisa_MG and @mediahackza created the timeline and @africa_datahub helped with creating the graphic. pic.twitter.com/5q4WwsLUVY

— Mia Malan (@miamalan) April 8, 2021