Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
J&J se entstof in SA voorwaardelik goedgekeur

Die goedkeuring van die Covid-19-entstof van Johnson & Johnson (J&J) vir kommersiële gebruik in Suid-Afrika is onderhewig aan sekere voorwaardes.

Die Suid-Afrikaanse Gesondheidsproduktebeheerraad (Sahpra) het Donderdag in ’n verklaring aangekondig dat hy dié Covid-19-entstof ingevolge art. 15 (6a) van die Wet op Medisyne en Verwante Middels geregistreer het.

“Die goedkeuring is gegrond op aanvaarbare data oor veiligheid, gehalte en doeltreffendheid wat deur Janssen Pharmaceutica (’n filiaal van J&J) by Sahpra ingedien is as ’n aangaande aansoek vir die tydperk Desember 2020 tot 17 Maart 2021,” lui die verklaring.

Die goedkeuring is gegrond op aanvaarbare data oor veiligheid, gehalte en doeltreffendheid wat deur Janssen Pharmaceutica (’n filiaal van J&J) by Sahpra ingedien is as ’n aangaande aansoek vir die tydperk Desember 2020 tot 17 Maart 2021.

Dr. Boitumelo Semete-Makokotlela, uitvoerende hoof van Sahpra, het in die verklaring gesê sekere voorwaardes geld, soos dat die entstowwe in ooreenstemming met die departement van gesondheid se Covid-19-inentingsplan se riglyne verkry en toegedien moet word.

Verdere voorwaardes behels die aanmelding van die bevindings van deurlopende studies en die verskaffing van verslae oor veiligheid.

Die inenting van gesondheidswerkers het reeds in Maart met die J&J-entstof begin as deel van ’n fase 3B-inwerkingstellingstudie wat deur die Suid-Afrikaanse Mediese Navorsingsraad (SAMNR) geadministreer word. Die regering het 31 miljoen dosisse vir Suid-Afrikaners verseker. Aspen Pharmacare is ook deur J&J gekies om die samestelling, vulling en verpakking van sy entstowwe in Gqeberha (Port Elizabeth) te doen.

Luidens die SAMNR was die entstof in die aanvanklike fase 3-proewe sowat 64% doeltreffend in Suid-Afrika waar 95% van gevalle aan die 501Y.V2-variant toegeskryf is.

Die newe-effekte soos belig in die bewyse van die kliniese proewe wat deur die aansoeker ingedien is, was gewoonlik lig tot matig en het binne ’n paar dae verdwyn nadat die inenting toegedien is.

Die entstof was 85% doeltreffend om beskerming teen Covid-19 in Suid-Afrika te bied.

Sahpra sê in die verklaring die entstof van J&J is ’n adenovirus-tipe 26-vektorentstof en dit kan bydra tot beskerming teen Covid-19. Slegs een dosis word vereis en dit word aan mense van 18 jaar oud en ouer toegedien.

“Die newe-effekte soos belig in die bewyse van die kliniese proewe wat deur die aansoeker ingedien is, was gewoonlik lig tot matig en het binne ’n paar dae verdwyn nadat die inenting toegedien is,” lui die verklaring.

Die mees algemene aangemelde newe-effekte is pyn op die plek waar die inenting plaasgevind het, hoofpyn, moegheid, lyfseer en naarheid.

Luidens die verklaring hou die entstof voorlopig vir twee jaar mits dit teen tussen -25 °C en -15 °C geberg word. Die entstof mag wel vir drie maande teen 2 °C tot 8 °C geberg word, maar sodra dit ontvries is, mag dit nie weer gevries word nie, lui die verklaring.

Meer oor:  J&J  |  Covid-19  |  Koronavirus  |  Entstof  |  Pandemie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.