Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
Minstens 80 m. kinders kry nie tans gewone inentings
Waka (2) sit op die vloer in ’n kindersentrum in Bangui in die Sentraal-Afrikaanse Republiek. Volgens Unicef, die Verenigde Nasies se kinderfonds, kom groot wanvoeding in die land voor en neem dit toe weens die huidige konflik. Dr. Celecestin T

Minstens 80 miljoen kinders loop die risiko om ernstige siektes soos masels en polio op te doen, het die Wêreldgesondheidsorganisasie (WGO) en Unicef Vrydag in ’n verklaring gesê.

Die rede is glo omdat al die aandag aan die Covid-19-pandemie veroorsaak dat kinders se inentings onderbreek word.

Volgens data wat deur die WGO, Unicef en die Sabin Vaccine-instituut ingesamel is, is die normale proses vir inentings in minstens 68 lande onderbreek. Dit raak volgens die verklaring minstens 80 miljoen kinders jonger as een jaar.

“Inentings is een van die belangrikste en fundamenteelste instrumente om siektes te voorkom,” het dr. Tedros Adhanom Ghebreyesus, direkteur-generaal van die WGO, gesê.

Onderbrekings in die programme weens Covid-19 dreig om dekades se vordering teen siektes soos masels, wat deur entstowwe voorkom kan word, te laat ontspoor.

“Onderbrekings in die programme weens Covid-19 dreig om dekades se vordering teen siektes soos masels, wat deur entstowwe voorkom kan word, te laat ontspoor.”

In die verklaring word verskeie redes vir die probleem geskets.

Sommige ouers is traag om hul huis te verlaat weens die beperking op hul beweging (soos inperking). Ander is bang om rond te beweeg uit vrees vir die koronavirus.

Verskeie gesondheidswerkers is in dié stadium ook nie beskikbaar nie, omdat hulle besig is om teen Covid-19 te veg, of toerusting word vir Covid-19 gebruik pleks van vir ander siektes.

Meer oor:  Unicef  |  Polio  |  Kinders  |  Masels
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.