Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
Veldtog fokus op 1ste 1 000 dae van kind se lewe

Die eerste duisend dae van ’n mens se lewe het ’n beduidende invloed op sy of haar toekoms en as dit reg benader word, kan dit tot ’n baie meer vervullende lewe lei.

Dit is die boodskap wat die Universiteit van die Vrystaat (UV) en die Moeder-en-kind- Akademiese Hospitaal- (Macah) stigting, wat onder die UV se vaandel tot stand gebring is, met ’n inligtingsveldtog wil tuisbring.

Dié stigting en die UV se departement pediatrie en kindergesondheid se Eerste 1 000 dae-veldtog sal op 1 November begin, waarmee die aandag vir ’n maand op dié onderwerp gevestig sal word.

Die veldtog sal onder meer voeding vir die ma en baba, borsvoeding, die rol van die pa, die ma se geestesgesondheid en ongewenste swangerskappe aanraak.

Prof. André Venter, die Macah-stigting se stigtersdirekteur.

Prof. André Venter, die Macah-stigting se stigtersdirekteur, sê dit is noodsaaklik dat die eerste duisend dae – van die begin van die swangerskap tot die eerste twee jaar ná geboorte – reg benader word om die kringloop van ellende, armoede en onbeantwoorde drome te breek.

As dit reg benader word, kan dit tot ’n meer bevredigende lewe lei – finansieel, fisiek en emosioneel, sê Venter.

Vir die swangerskap om so goed moontlik te verloop moet die ma se geestes- en fisieke gesondheid goed wees en moet sy goeie maatskaplike en ekonomiese ondersteuning hê, sê hy.

Dr. Lizzy Tabane, hoof van die UV se departement pediatrie en kindergesondheid.

“Sodra die baba gebore word, is daar mense wat na die baba moet omsien. Die baba moet ’n band vorm, en dit is eintlik ’n magiese tyd.”

Venter verwys voorts na die verhouding tussen ma en kind, wat na die kind se voeding, ontwikkeling en emosionele welstand omsien. ’n Gebrek aan emosionele ondersteuning kan tot emosionele en gedragsprobleme lei.

Dr. Lizzy Tabane, hoof van die UV se departement pediatrie en kindergesondheid, sê beter kennis onder die jeug oor die eerste duisend dae is noodsaaklik om vir hul toekoms te beplan, wat ook ’n invloed op hul kinders se toekoms kan hê.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.