Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Gesondheid
‘Wees bly’, dan kry jy dalk nie Alzheimer se siekte

Is jy van nature ’n pessimis, iemand wat die “glas half leeg” sien? Dit is glo nie goed vir jou brein nie.

Nuwe navorsing wat in die vaktydskrif Alzheimer’s & Dementia gepubliseer is, dui daarop dat herhaaldelike negatiewe denke in die later stadium van jou lewe gekoppel kan word aan kognitiewe agteruitgang en groter afskeidings van twee skadelike proteïene wat verantwoordelik vir Alzheimer se siekte is.

Dr. Natalie Marchant, ’n psigiater en senior navorsingsgenoot in die departement geestesgesondheid aan die University College in Londen, sê herhaaldelike negatiewe denke kan ’n risikofaktor vir demensie wees, berig CNN.

Negatiewe denkpatrone soos om oor die verlede te mymer en bekommernis oor die toekoms is oor ’n tydperk van twee jaar onder 350 mense ouer as 55 jaar gemeet.

Ongeveer ’n derde van die deelnemers het ook ’n breinskandering ondergaan om die neerslae te meet van twee soorte proteïene in die brein – tau en beta-amiloïed – wat met Alzheimer se siekte verband hou. Die skanderings het gewys diegene wat meer gereeld negatiewe gedagtes het, het ’n groter neerslag van tau en beta-amiloïed, onthou dinge moeiliker en het ’n groter kognitiewe agteruitgang as mense wat nie pessimiste is nie.

Daily Mail berig die deelnemers het ook vraelyste voltooi oor hoe hulle tipies op negatiewe ervarings reageer.

Tekens van depressie en angs is ook in ag geneem terwyl kognitiewe funksies soos geheue en aandagspan beoordeel is.

Navorsers het ook die vlakke van angs en depressie getoets en het bevind dat depressiewe en angstige mense ’n groter kognitiewe agteruitgang ervaar, wat by vroeëre navorsing aansluit.

Die neerslae van die twee breinproteïene neem egter nie toe by mense wat reeds depressief en angstig is nie, wat die navorsers laat vermoed dat herhaalde negatiewe denke die hoofrede is waarom depressie en angs tot Alzheimer se siekte bydra.

Die navorsers sê dat mense breinoefeninge soos meditasie moet doen om positiewe denke te bevorder, berig Fox8.

“Ons gedagtes kan ’n biologiese impak hê op ons liggaamlike gesondheid, wat positief of negatief kan wees,” sê dr. Gael Chételat van die Caen-Normandië-universiteit en medeskrywer van die navorsing.

In ’n ander studie is bevind dat slegs 30 minute se meditasie per dag oor ’n tydperk van twee weke bring ’n groot verandering in die brein teweeg.

Een van die doeltreffendste maniere om meer optimisties te wees is die “beste moontlike self”-metode waarin jy jou indink in ’n toekoms waarin jy al jou lewensdoelwitte bereik het en al jou probleme opgelos het.

’n Ander tegniek is om dankbaarheid te beoefen. As jy elke dag ’n paar minute afstaan om neer te skryf waaroor jy dankbaar is, kan jou lewensuitkyk verbeter. Terwyl jy daarmee besig is, kan jy ook positiewe ervarings wat jy daardie dag gehad het neerskryf, wat ook jou vlak van optimisme kan verhoog.

https://edition.cnn.com/2020/06/07/health/negative-thinking-dementia-wellness/index.html

https://www.dailymail.co.uk/news/article-8397309/People-gloomy-outlook-likely-Alzheimers-disease-research-suggests.html

https://fox8.com/news/negative-thinking-linked-to-dementia-in-later-life-but-you-can-learn-to-be-more-positive/

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.