Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Hof
Appèlhof sal beslis oor genadedood

Alle oë is Vrydag op die appèlhof in Bloemfontein gerig wanneer die ministers van justisie, korrektiewe dienste en gesondheid, asook die nasionale vervolgingsgesag (NVG) en die Raad op Gesondheidsberoepe van Suid-Afrika (RGBSA) teen ’n hofuitspraak appelleer wat vrywillige genadedood gewettig het.

Die appèlhof sal moet beslis of die Grondwet voorsiening maak vir die reg om met behulp van ’n derde party (in dié geval ’n dokter) te sterf.

Dít kom nadat regter Hans Fabricius verlede jaar in die hooggeregshof in Pretoria beslis het dat adv. Robin Stransham-Ford (65), ’n kankerlyer, ’n dokter kon vra om sy lewe met ’n dodelike middel te beëindig.

Stransham-Ford is dood sowat twee uur voordat die hofbevel op 4 Mei uitgereik is.

Cause for Justice (CFJ), wat as vriend van die hof toegelaat is, sê dit is ’n baie belangrike, tog omstrede saak aangesien dit die land se eerste genadedoodsaak was sedert die inwerkingtrede van ons Grondwet. Volgens dié menseregteorganisasie moet die hof ook onder meer beslis of die gemeenregtelike misdade van moord en strafbare manslag, wat betref dat dit voorsiening maak vir ’n algehele verbod daarop om jou eie lewe met die hulp van ’n mediese dokter te neem, inbreuk op Stransham-Ford se grondwetlike reg tot menswaardigheid en vryheid tot liggaamlike en sielkundige integriteit sou maak.

Die RGBSA voer aan dat die doel van mediese dokters is “om lewe te bewaar en dat daar ander alternatiewe beskikbaar is wat deur middel van moderne medisyne pyn en lyding in so ’n mate kan verlig dat dit nie nodig is om jou lewe te neem nie”.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

NETWERK24 Stemme

Hallo, jy moet ingeteken wees of registreer om artikels te lees.