Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Hof
Bedrog met versekering: Man weer aangekeer
Roland Williams, voormalige kommunikasiehoof van die Nelson Mandelabaai-metro, verlaat die handelsmisdaadhof in Port Elizabeth ná ’n vorige hofverskyning. Foto: Argief

’n Voormalige kommunikasiehoof van die Nelson Mandelabaai-metro wat skuld beken het op ’n aanklag van versekeringsbedrog, is Maandag in hegtenis geneem nadat hy glo versuim het om sy vonnisvoorwaardes na te kom.

Roland Williams het volgens die nasionale vervolgingsgesag (NVG) Maandag vlugtig in die handelsmisdaadhof in Port Elizabeth verskyn nadat hy vroeër die dag by sy huis in die stad aangekeer is.

Williams het in 2018 skuld beken op ’n aanklag van bedrog nadat hy die versekeringsmaatskappy Santam uit bykans R100 000 bedrieg het. Dit kom nadat sy BMW-motor in 2014 enjinprobleme gehad het wat geldelik nie die moeite werd was om te herstel nie. Hy het daarna sy motor opsetlik beskadig en ’n vals eis ingedien.

In 2018 is hy tot 36 maande korrektiewe toesig gevonnis, asook vier jaar tronkstraf, wat vir vyf jaar opgeskort is. Daarbenewens is hy ’n boete van R30 000 opgelê en deur die hof beveel om voor 31 Mei 2020 die bedrag van R96 000 aan Santam terug te betaal. Die bedrag sou teen ’n minimum van R3 500 per maand terugbetaal moes word.

Santam het intussen ’n beëdigde verklaring by die staat ingedien wat aandui Williams se laaste betaling aan hulle was in Oktober verlede jaar, en dat hy tans nog R40 000 skuld, lui ’n verklaring van Anelisa Ngcakani, ’n provinsiale woordvoerder van die NVG.

Borgtog van R1 000 is Maandag aan Williams toegestaan.

Hy sal weer Dinsdag in die hof verskyn.

Meer oor:  Santam  |  Port Elizabeth
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.