Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Hof
‘Hy was mos nie daar nie, wat sal prokureur help?’

Hoe sal ’n prokureur hom nou kan help? Hy was mos nie daar toe dit gebeur het nie, het ’n man in die streekhof in Bloemfontein gesê toe hy gevra is of hy regshulp in sy moordverhoor nodig het.

Patrick Mafereka Foto: Mike van Rooyen

Patrick Mafereka (42) van Botshabelo het Vrydag gesê hy sal sy eie saak in die hof kom stel. Hy word aangekla van ’n moord wat byna tien jaar gelede in Bloemfontein gepleeg is.

Toe streeklanddros Johannes Moeng hom daarop wys dat ’n minimum tronkstraf van 15 jaar sy voorland kan wees as hy skuldig bevind word, het Mafereka geantwoord dat hy nie bekommerd is oor 15 jaar nie.

“Ek het mos reeds gesê ek het dit gedoen.”

Adv. Tumi Namola het op ’n vraag van Moeng gesê dat Mafereka vir ’n kort waarneming gestuur is en die bevinding is dat hy verhoor kan word.

Die aanklag spruit blykbaar uit ’n bakleiery waarin Mafereka ’n man daarvan beskuldig het dat hy sy goed gesteel het. Hy het dié man glo met ’n yster geslaan.

Die oorledene het tussenbeide getree en wou glo keer, waarna Mafereka hom glo met ’n mes gesteek het.

Die staat gaan aanvoer dat hy die oorledene opgetel het nadat hy op die grond neergeval het en hom weer gesteek het.

Hoewel die staat grusame foto’s van die bebloede oorledene het, kon sy identiteit nie vasgestel word nie. Niemand weet ook wat van die man geword het wat glo met die yster bygedam is nie.

Mafereka is in aanhouding en het sy reg op borgtog geweier. Hy moet weer later vandeesmaand in ’n ander streekhof verskyn.

Meer oor:  Patrick Mafereka (42)  |  Bloemfontein  |  Prokureur  |  Moordverhoor  |  Regshulp
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.