Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Hof
KYK: ‘Dronk’ polisieman op video vandag in hof

Die polisiebestuur in Noordwes het in ’n verklaring sy afgryse oor die “onprofessionele en onwelvoeglike gedrag” van ’n konstabel van Wolmaransstad uitgespreek.

Omstanders het Saterdag ’n video geneem waarop gesien kan word hoe hy met ’n polisievangwa in ’n heining vasry. Inwoners help hom dan uit die voertuig om vir hom te wys wat hy gedoen het, maar hy kan nie op sy voete bly nie. ’n Omstander moes hom vasgryp om te keer dat hy omval.

Die video is op WhatsApp en sosiale media gedeel.

Die polisie het bevestig dat hy in uitbreiding 10 van die Tswelelang-nedersetting met die voertuig in die heining vasgery het en dat hy nie magtiging gehad het om ’n staatsvoertuig te bestuur nie.

’n Omstander moes die polisiekonstabel regop hou. Foto: Skermgreep

Hy is in hegtenis geneem en intussen op borgtog van R500 vrygelaat. Hy sal Maandag in die plaaslike landdroshof verskyn.

“ ’n Saak van die roekelose en/of nalatige bestuur onder die invloed van alkohol word ondersoek. Volgens ’n voorlopige ondersoek blyk dit dat die konstabel nie gemagtig is om ’n staatsvoertuig te bestuur nie. Hy sal dus ook daarvan aangekla word dat hy ’n motorvoertuig sonder die eienaar se toestemming gebruik het,” sê brig. Sabata Mokgwabone, polisiewoordvoerder.

'n Interne ondersoek word ook ingevolge die SAPD se dissiplinêre regulasies gedoen.

Lt.genl. Sello Kwena, provinsiale polisiekommissaris, het in reaksie gesê alle lede moet te alle tye professioneel optree en die polisie se gedragskode nakom. “Dit sluit in om beskikbare hulpbronne verantwoordelik te gebruik en die gemeenskap se behoeftes te oorweeg.”

Meer oor:  Polisieman  |  Noordwes  |  Wolmaransstad  |  Dronk
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.