Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Hof
Limpopo: Man in hof ná moord op bure wat hom glo toor

’n 23-jarige man wat glo twee vroue vermoor het “omdat hulle hom getoor het”, het Vrydag in die landdroshof in Thohoyandou verskyn

Mashudu Malabi-Dzhangi, woordvoerder van die nasionale vervolgingsgesag (NVG) in Limpopo, sê Muano Maphula het na bewering op 16 Augustus 2020 by Caroline Muvhulawa (54) en haar ma, Mudzunga Muvhulawa (88) se huis in die Lunungwi-nedersetting buite Thohoyandou ingebreek.

Die twee vroue is met ’n skerp voorwerp in stukke gekap. Maphula, ’n buurman van die vroue, is ’n dag ná die moorde in hegtenis geneem.

“Die ander dogter van die bejaarde vrou het die bure gekontak omdat sy onrustig geraak het toe verskeie foonoproepe na haar ma en suster nie beantwoord is nie,” sê brig. Motlafela Mojapelo, polisiewoordvoerder.

“Hulle is toe na die huis om ondersoek in te stel. Dit is toe dat die gru-ontdekking gemaak is,” sê Mojapelo.

Maphula bly in aanhouding en sal op 26 Februarie 2021 weer in die hof verskyn. Hy staan ??tereg op twee aanklagte van moord en huisbraak met die doel om te moor.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.