Die verrigtinge word nou na Maandag uitgestel, wanneer Xander verder gekruisondervra sal word.

Regter Hendricks vra of Bylsma nie nou sy slapende honde wakker wil maak nie.

Xander: Ek sal dit volgende week doen wanneer ek dit kan staaf.

Smit: Vroeër in die hof, tydens die borgaansoek, het u reeds bewyse gehad wat u onskuld kan bewys.

Xander: Ek stem saam.

Smit: Moet die hof nou regtig glo dat u nie daardie getuienis wou openbaar nie omdat u nie slapende honde wou wakker maak nie?

Xander: Dis korrek.

Smit: Ek stel dit aan u dis heeltemal belaglik.

Xander: Ek aanvaar u mening.

Smit: U word aangekla van twee baie ernstige misdrywe.

Xander: Ek stem saam.

Smit: U word deur moontlik lewenslange gevangenisstraf in die gesig gestaar?

Xander: Ek stem saam.

Smit: Stem u saam dit sou eerlik wees om te gesê het "ek wil nie vinger wys nie, maar ek het 'n sterk vermoede dat Brandon betrokke was"?

Xander: Dis korrek.

Smit: En om te sê u het bewyse, en stil te bly daaroor? Hoekom?

Xander: Ek wou nie slapende honde wakker maak nie. 

Smit: U verwys dan weer na Brandon in u tweede borgverklaring. (Smit haal aan) "Ek sal voor die hof beklemtoon dat ek nie op enige wyse suggereer dat mnr. Victor by die moorde betrokke was nie."

Is dit korrek?

Xander: Ja.

Smit: Maar dit was nie die korrekte situasie nie.

Xander: Nee.

Smit: Hoekom het u die hof mislei?

Xander: Ek kan nie vinger wys nie.

Smit: Maar hoekom het u die hof mislei dat u nie op enige wyse dit aan die hof kan suggereer nie?

Xander: Want die bewyse kan vir hulself praat.

Xander: Dis korrek.

Smit: Onthou u u het twee verklarings in u borgaansoek afgelê?

Xander: Ja.

Smit lees voor uit een verklaring: "Ek was in die proses om met Sharnelle te versoen, hoewel ek bewus was sy het Brandon Victor gesien. Nadat ons tyd saam bestee het op die dag voor die voorval (moorde), het Sharnelle my op my selfoon gebel en gesê Brandon het uitgevind ons gaan versoen. Ek het vir haar gesê om nie bekommerd te wees nie, want ek sal hom slaan."

Smit: Stem u saam dis nie aan Brandon gestel dat daar bewyse is dat hy die moorde gepleeg het nie?

Xander: Ja.

Smit: Van wanneer af glo u Brandon het die moorde gepleeg?

Xander: Van laas jaar af, seker 'n week en 'n half nadat ek gearresteer is.

Regter Ronald Hendricks kyk nou in sy notas na presies wat adv. Sakkie Nel, Bylsma se advokaat, aan Brandon gestel het oor dat hy moontlik ook vir Sharnelle kon vermoor het.