Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Hof
Skietery by Pta-sentrum: Man kry borgtog

Die man wat na bewering vir JB Strydom in die parkeerterrein van ’n Pretoriase winkelsentrum doodgeskiet het, is Woensdag borgtog van R8 000 toegestaan.

Carlo Arendse (45), van Midstream naby Centurion, is kort ná die voorval Maandag in die Menlyn Maine-sentrum se parkeerterrein gearresteer vir moord, die rig van ’n vuurwapen en intimidasie.

Carlo Arendse Woensdag in die hof.Foto: Deaan Vivier

Hy word daarvan beskuldig dat hy die 44-jarige Strydom, ’n pa van drie kinders, in die bors geskiet het toe dié glo ’n vriend tydens ’n bakleiery wou help.

Luidens Arendse se borgtogverklaring blyk dit egter of hy sal aanvoer dat hy Strydom uit selfverdediging geskiet het nadat hy (Arendse) sowel as sy motorbestuurder glo aangerand is.

Arendse is luidens sy verklaring die direkteur van ’n steenkoolverwerkingsmaatskappy.

Kagiso Rancho, aanklaer, het gesê Arendse is nie ’n vlugrisiko nie en het geen hangende sake teen hom nie. Die ondersoekbeampte staan ook nie sy vrylating op borgtog teen nie.

Landdros Thandi Theledi het hierop borgtog toegestaan op voorwaarde dat Arendse sy paspoort inhandig, hom een keer ’n week by die polisie aanmeld, en geen kontak met Strydom se vriende mag hê wat op die toneel tydens die voorval was nie.

Die saak is uitgestel tot Maart vir verdere ondersoek.

* Meer volg later.

Meer oor:  Jb Strydom  |  Carlo Arendse  |  Skietery
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.