Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Hof
Vermeende moordenaar moet nou vorige vonnis uitdien

Uitstaande DNS-verslae en ’n uitkenningsparade is die rede vir die uitstel van ’n moordsaak in Tulbagh teen Jakobus Petoors, wat daarvan beskuldig word dat hy ’n agtjarige seun verkrag en verwurg het.

Die hof het ook gehoor dat Petoors (58), wat ten tyde van die beweerde misdade in Februarie vanjaar op parool was, nou die res van sy vonnis sal uitdien en eers weer op 23 Julie 2024 vrygelaat kan word.

Eric Ntabazalila, woordvoerder van die direkteur van openbare vervolging, het bevestig dat die saak Dinsdag in die plaaslike landdroshof in absentia tot 18 Augustus uitgestel is.

Reagen Gerste (8) van Tulbagh is verwurg en verkrag. Foto: Verskaf

Petoors staan tereg op aanklagte van menseroof, verkragting van en moord op Reagan Gertse (8) van Tulbagh. Hy is glo ’n nabye familielid van Ricardo Davids, Reagan se pa.

Die staat voer aan dat hy die seun op Saterdag 29 Februarie ontvoer, verkrag en vermoor het.

Davids en ander inwoners van Tulbagh het die seuntjie se lyk die volgende dag agter die Rhodes-fabriek in ’n vlak rivierloop gekry.

In ’n lykskouing die daaropvolgende Maandag is bevind dat Reagan verkrag en verwurg is.

Petoors is op 4 November verlede jaar uit die Obiqua-gevangenis buite Tulbagh op parool vrygelaat. Hy is in Oktober van die Voorberg-gevangenis na Obiqua oorgeplaas.

Hy was in die Voorberg-tronk vir verkragting en aanranding met die doel om ernstig te beseer.

Die tronkstraf hou verband met ’n saak in Klapmuts waarin die slagoffer glo ook ’n minderjarige kind was.

Met Petoors se verskyning in Maart het landdros Pieter Klazen gesê Petoors het die reg om aansoek om borgtog te doen, maar dit sal nie toegestaan word nie omdat hy sy paroolvoorwaardes verbreek het.

Meer oor:  Reagan Gertse  |  Tulbagh  |  Verkrag  |  Vonnis  |  Verwurg
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.