Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Top-presteerders
Sukses vir hoofmeisie ná ’n nagmerriejaar

Wat veronderstel was om die beste jaar van Megan Kuin se lewe te wees, het in ’n nagmerrie-ervaring ontaard.

Sy sê die jaar het goed begin: Sy is immers gekies as die Hoërskool Florida se hoofmeisie vir 2020.

In Februarie het sy egter haar pa, Herman, aan die dood afgestaan. “Dit was baie onverwags. Hy het ’n hartaanval gehad,” sê Megan.

Megan Kuin

Terwyl Megan en haar ma, Dienie, tydens die rouproses staatgemaak het op die ondersteuning van familie en vriende, is die inperking weens die Covid-19-pandemie ingestel.

As enigste kind was Megan en Dienie op mekaar aangewese, vasgekeer in hul huis om saam-saam die hartseer en verlies te verwerk.

“Heeltemal in isolasie. Ons het net mekaar gehad,” sê Megan.

Sy en haar ma kon slegs deur sosiale media en telefoonoproepe die nodige ondersteuning kry.

Die ervaring het haar waardevolle lesse geleer. Sy het raad vir ander mense wat sukkel om berusting te vind ná ’n geliefde se afsterwe.

“Vat dit een dag op ’n slag. Probeer soveel moontlik op ander mense steun en moenie alles alleen probeer verwerk nie.”

Weens die inperking kon Megan ook nie haar rol as hoofmeisie werklik vervul nie.

“Daar was nie veel wat ek eintlik kon doen nie. Ek het maar net die titel gehad.”

Tog laat sy haar nie deur die terugslae onderkry nie.

Sy is een van die toppresteerders van die Hoërskool Florida met onderskeidings in ál ses haar vakke, Afrikaans huistaal, Engels eerste addisionele taal, lewensoriëntering, rekeningkunde, lewenswetenskap en fisiese wetenskap.

Megan begin vanjaar met haar studie in sielkunde aan die Universiteit van die Witwatersrand en hoop om later in neuro-sielkunde te spesialiseer.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.