Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
10-jarige beseer tydens bendeskietery

’n Tienjarige seun en ’n 26-jarige man is ernstig beseer tydens ’n bendeskietery laat Dinsdagmiddag in Manenberg, Kaapstad.

Sers. Noloyiso Rwexana, Wes-Kaapse polisiewoordvoerder, sê volgens inligting het die voorvalle in Manenberglaan en Renosterweg plaasgevind en word sake van poging tot moord ondersoek.

“Die twee slagoffers is na ’n mediese gerief geneem. Die omstandighede rondom die skietery word ondersoek en die polisie volg alle leidrade op.

Kaapse wetstoepassers patrolleer bendegeteisterde gebiede op die Kaapse Vlakte. Foto: Ter illustrasie

Albert Fritz, Wes-Kaapse LUR vir gemeenskapsveiligheid, het die voortslepende voorvalle van bendeskietery skerp gekritiseer en gesê gemeenskappe raak keelvol.

“Ons kinders kan nie meer buite speel of loop nie. Dit maak nie saak of daar klein kinders in die spervuur is nie, bendelede skiet wild sonder om eers in ag te neem wie buite is.”

Fritz sê hulle sal kyk hoe die ontplooiing van Kaapse wetstoepassers as deel van die wetstoepassingsbevorderingsplan (Leap) verder ingespan kan word om Manenberg te stabiliseer.

Die LUR sê die polisie het ook nie die nodige hulpbronne om bendes vas te vat nie.

“Die invloed van bendegeweld in ons provinsie is ernstig en dit raak oud en jonk. Kinders is slagoffers van geweld en dit kan eenvoudig nie so voortgaan nie,” sê Fritz.

Meer oor:  Albert Fritz  |  Manenberg  |  Beseer  |  Bendeskietery
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.