Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
16de aanval vanjaar op Wes-Kaapse paramedici

Die Wes-Kaapse departement van gesondheid het die jongste aanval op lede van die provinsiale nooddienste (EMS) veroordeel nadat ’n ambulans Woensdagaand in Baden Powellrylaan in Khayelitsha met klippe bestook is.

Deanna Bessick, EMS-woordvoerder, sê paramedici was op pad om ’n pasiënt in die Helderberg-hospitaal te gaan haal en na die Tygerberg-hospitaal te vervoer toe die aanval omstreeks 20:20 plaasvind.

“Dit is die 16de aanval op EMS-personeel in die provinsie sedert die begin van die jaar. Gelukkig is niemand beseer nie. Die voorval is by die polisie aangemeld.”

Bessick sê die departement is baie bekommerd oor die frekwensie van aanvalle, met voorvalle wat reeds meer as dubbel is in vergeleke met die ooreenstemmende tydperk verlede jaar.

Dr. Shaheem de Vries, direkteur van EMS, sê die versekering van ’n veilige werkomgewing vir hul personeel bly ’n hoë prioriteit.

“Ons is voortdurend besig om die risiko’s te monitor vir die voortgesette voorsiening van nooddienste. Ons ondersoek dus altyd nuwe maniere om te verseker dat ons personeel elke dag veilig kan terugkeer huis toe,” sê De Vries.

Volgens die departement plaas die Covid-19-pandemie verdere druk op hulle.

“Dit is ’n tydperk waarin nood- mediese dienste, veral op gemeenskapsvlak, broodnodig is. Die Wes-Kaapse regering doen ’n beroep op die publiek om nie ambulansdienste aan te val nie.”

Mense met inligting oor die aanvalle word versoek om hulle naaste polisiekantoor te kontak.

Meer oor:  Paramedici
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.