Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
18-jarige in aanval op kleinhoewe met mes gesteek

WAARSKUWING: HIERDIE BERIG BEVAT 'N FOTO WAT SENSITIEWE LESERS KAN ONTSTEL.

’n Jong man van Noordwes het Sondagaand verskeie meswonde opgedoen toe twee mans hom op ’n kleinhoewe in Marikana aangeval het.

Albert Maritz. Foto: Verskaf

Albert Maritz (18) was omstreeks 18:00 alleen in die huis op die kleinhoewe toe hy glas hoor breek het.

Die kleinhoewe is op die Lonmin-myn se eiendom.

“Hy het van sy kamer af na die voorkant van die huis geloop. Hy is buitentoe en het ’n man by die venster gesien,” sê sy pa, ook Albert.

Volgens hom het die man op sy seun afgestorm en ’n struweling het uitgebreek. Sy seun het nie besef dat daar nog ’n man was nie.

Die tweede man het hom drie keer in sy arm gesteek en twee keer gesny, waarna die aanvallers gevlug het.

“Albert het my gebel en ons het die myn se veiligheidsdienste ontbied. Die ambulans was binne vyf minute daar,” sê sy pa.

Hy is hospitaal toe geneem waar hy steke gekry het, en is daarna ontslaan.

“Ons is besig om berading vir hom te reël. Hy is redelik geskok, maar hy het die hele situasie eintlik goed hanteer.”

Volgens hom is niks gesteel nie. Die saak is aangemeld by die Marikana-polisiekantoor.

Die polisie het nie onmiddellik die voorval bevestig nie.

Die wonde aan Albert Maritz se arm na die aanval. Foto: Verskaf
Meer oor:  Noordwes  |  Marikana  |  Misdaad  |  Aanval  |  Kleinhoewe  |  Messteek
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.