Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
4 mans vas oor ‘afpersing’ van sakeman in Kaapstad

In wat beskou word as ’n deurbraak in die beweerde voorvalle waarin vermeende sindikate sakelui en inwoners van die Kaapse metro terroriseer en afpers, is vier vermeende bendelede in hegtenis geneem.

Dit kom nadat ’n sakeman van Wesbank, Kaapstad, Maandag ’n saak by die polisie in Mfuleni aanhangig gemaak het nadat vier vermeende bendelede hom en sy gesin gedreig en geld geëis het.

Kapt. FC Van Wyk, polisiewoordvoerder, sê die bende het ’n aansienlike bedrag geld van die klaer geëis, wat toe noodgedwonge die betaling gemaak het.

Volgens Van Wyk het die polisie die klag opgevolg en vier mans in hegtenis geneem.

“Die verdagtes, van die Wesbank-omgewing, sal na verwagting in die landdroshof in Blue Downs op aanklagte van afpersing verskyn.”

Die polisie het ’n spesiale telefoonlyn ingestel omdat al hoe meer sake-eienaars na vore gekom het om te kla oor voorvalle van afpersing en intimidasie.

Van Wyk sê dit raak by die dag duideliker deur mediaberigte hoe ondernemings en inwoners deur bendelede afgepers word.

Die polisie het die publiek versoek om na vore te kom om soortgelyke voorvalle aan te meld.

Mense met inligting kan anoniem bly as hulle voorvalle by die polisie wil aanmeld op 021 466 0011 of deur die polisie se Stopmisdaadnommer op 08600 10111 te kontak.

Meer oor:  Kaapstad  |  Misdaad  |  Afpersing  |  Sakeman
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.