Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Biddiens ontwrig toe burgemeester met pangas gedreig word

’n Biddiens in die raadsaal van die Dr. JS Moroka-plaaslike munisipaliteit in Mpumalanga het Donderdag vinnig in chaos ontaard toe mense met pangas ingestorm en die burgemeester se veiligheid bedreig het.

Twee mans is sedertdien in hegtenis geneem.

Thulare Madileng, burgemeester, het vir sy lewe gevrees. Sy veiligheidswagte het hom vinnig verwyder.

Die groep mans en vroue het na hom gemik, het hy vertel.

“Hulle wou my leed aandoen terwyl ek en die pastore in die raadsaal vir vrede gebid het.

“Hulle het ook my ma beledig deur na haar privaatdele te verwys. Ek het vir my lewe gevrees, maar glo dat God groot is. Die veiligheidswagte het my beskerm totdat die polisie opgedaag het. Ek sal steeds as die burgemeester dien en verseker dat dienste aan die mense gebied word. Ek sal die sekuriteit moet opskerp om myself en my familie te beskerm.”

Hy sê die gegriefde mense het sy ampsvoertuig en ’n bakkie van sy lyfwagte se bande met pangas stukkend gekap. Die twee voertuie was by die munisipale gebou geparkeer ten tyde van die voorval.

Madileng glo die aanvallers is ondersteuners van ’n senior amptenaar van die munisipaliteit.

Madileng is in 2017 deur die ANC by die munisipaliteit as burgemeester ontplooi.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.