Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Boer se kinders gekry, ma van bedrog aangekla
’n Pamflet wat versprei is toe daar nog na Celenté Janse van Rensburg gesoek is.

Die twee kinders van ’n boer van Bultfontein is met die hulp van die private ondersoeker Mike Bolhuis in KwaZulu-Natal opgespoor.

Henry Joubert (43) soek al sedert begin Desember na sy een- en tweejarige dogters nadat hy en sy verloofde en die kinders se ma, Celenté Janse van Rensburg (40), in Durban gaan vakansie hou het.

Joubert het die oggend van 2 Desember inkopies gaan doen en met sy terugkeer na hul gastehuis was sy en die kinders weg.

Hy het Bolhuis se hulp ingeroep om sy kinders op te spoor.

Bolhuis het Maandag bevestig dat die kinders en hul ma in Wartburg, sowat 100 km van Durban, gevind is. Hulle is danksy inligting van ’n lid van die gemeenskap opgespoor.

Volgens Bolhuis het Janse van Rensburg na bewering ’n ouer man op die internet ontmoet. Hy het haar en die kinders glo gaan haal kort nadat Joubert by die gastehuis weggery het.

Brig. Motantsi Makhele, Vrystaatse polisiewoordvoerder, sê Janse van Rensburg het Maandag in die hof in Bultfontein verskyn. Sy staan tereg op twee aanklagte van bedrog en diefstal, maar daar is nog ondersoeke teen haar in onder meer Bloemfontein. Sy bly hangende dié ondersoeke in aanhouding, volgens Makhele.

Bolhuis sê Janse van Rensburg was glo reeds in November bewus daarvan dat twee bedrogklagte teen haar ingedien is.

Die kinders is terug in Bultfontein en is voorlopig in hul ouma se sorg geplaas.

Joubert het vroeër gesê hy wil net sy kinders by hom hê. Hy kon nie Dinsdag vir kommentaar bereik word nie.

Lees meer hier. 

Meer oor:  Mike Bolhuis  |  Boer  |  Bedrog
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.