Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Cele is bly man in Oos-Kaapse bylmoord is vas

Bheki Cele, minister van polisie, het die inhegtenisneming van ’n man in die Oos-Kaap wat na bewering sy vrou en vyf kinders met ’n byl doodgekap het, verwelkom.

Cele het Saterdag in ’n verklaring die voorval as ’n bloedige begin van die 16 dae van aktivisme teen geweld teenoor vroue en kinders beskryf. Die dood van ’n 42-jarige ma en kinders van tussen ses en tien jaar oud het die land geskok.

“Die gesin is aangeval en met ’n byl doodgemaak, wat glo dieselfde wapen is wat op die toneel gevind is.”

Bheki Cele, minister van polisie.Foto: Adrian de Kock

Binne 24 uur is ’n Zimbabwiese burger (34) in verband met die moorde in hegtenis geneem.

Cele sê die man het na bewering ten tyde van sy inhegtenisneming geskuil en gereed gemaak om landuit te vlug.

Cele het die speurwerk in die saak geloof en ’n beroep op mans gedoen om op te hou om vroue en kinders wreed aan te val.

Vroeër is daar berig dat die vrou en kinders se lyke in die Dabekweni-nedersetting in Kwaaiman naby Koffiebaai gevind is.


Volgens die polisie is inligting ontvang dat die man in ’n familielid se woonstel in Ginsberg, King William’s Town, weggekruip het en hy is Donderdagaand daar voorgekeer.

Hy sal na verwagting Maandag in die landdroshof in Mqanduli verskyn.

Meer oor:  Bheki Cele  |  Oos-Kaap  |  Bylmoord
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.