Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Bestuurders van restaurante in hegtenis geneem oor drank

Die bestuurders van twee gewilde restaurante in Sandton en Silverton, Pretoria, is die naweek in hegtenis geneem omdat hulle glo drank aan klante verkoop het.

Die verkoop van alkohol is verbode in alle drankwinkels en restaurante tydens die aangepaste vlak 3-inperking, terwyl Suid-Afrika onder ’n tweede vlaag van Covid-19-infeksies gebuk gaan.

Volgens kapt. Mavela Masondo, polisiewoordvoerder in Gauteng, is inligting oor die oortreding by die restaurant in Wesstraat in Sandton deur misdaadintelligensie ontvang.

Klopjag 

Die polisie het Saterdag tydens ’n klopjag op die restaurant toegesak en gevind dat alkohol openlik op die tafels bedien word, terwyl Covid-19-gesondheidsprotokol ook nie nagekom word nie.

Masondo sê twee van die bestuurders is in hegtenis geneem en daarvan aangekla dat hulle die Wet op Rampbestuur oortree het. Drank ter waarde van R600 000 is gekonfiskeer.

Drank op perseel

Intussen het die polisie Vrydag ná die aandklokreël van 21:00 opgemerk dat motors by ’n gewilde franchise-restaurant in Silverton geparkeer is. Toe die polisielede navraag gedoen het, het hulle gevind daar is ongeveer 11 mense wat alkohol op die perseel gebruik, sê Masondo.

“In die stoorkamer was alkohol in ysbakke gereed om bedien te word. Die bestuurder is in hegtenis geneem en van die oortreding van die Wet op Rampbestuur aangekla.”

Masondo sê meer as 162 mense in die provinsie is in hegtenis geneem omdat hulle nie die aandklokreël nagekom het nie, terwyl 34 mense in hegtenis geneem is omdat hulle nie maskers gedra het nie.

In Alexandra is meer as 150 mense in hegtenis geneem weens verskeie misdade.

Die verdagtes is tydens padversperrings, opsporingsoperasies en stop-en-deursoek-operasies in hegtenis geneem.

Meer oor:  Silverton  |  Sandton  |  Drankverbod  |  Drankbedryf  |  Restaurante
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.