Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Flink polisie vang ‘selfoongrypers’ in Centurion
Polisiebeamptes op die toneel waar die drie verdagtes Vrydag aangekeer is. Foto: SAPD

Twee vrouespeurders van Sunnyside in Pretoria het Vrydag gewys hulle staan vir geen misdadiger terug nie.

Kapt. Dave Miller, polisiewoordvoerder, sê die speurders was Vrydagmiddag omstreeks 13:00 besig met ’n ondersoek in Lyttelton, Centurion, toe hulle sien hoe drie mans ’n selfoon by ’n lid van die publiek gryp en hulle uit die voete maak.

“Die mans het in ’n motor gespring en op die vlug geslaan. Sonder om twee keer te dink het die speurders die mans agternagesit en hulle beveel om stil te hou. Die voortvlugtendes het hulle nie aan die speurders gesteur nie.

“Lede van die polisie in Lyttelton het hulle by die jaagtog aangesluit en die mans op die N1-hoofweg van die pad af gedwing en in hegtenis geneem.

“Drie gesteelde selfone is in hul besit gevind,” sê Miller.

Hy wou nie die identiteit van die speurders bekend maak nie.

“Dit is duidelik dat hul flinke en heldhaftige optrede gelei het tot die inhegtenisneming van die verdagtes. Dit is goed dat geregtigheid geskied, veral in dié tyd van 16 dae van aktivisme teen geweld teenoor vroue en kinders.

“Die verdagtes is in aanhouding en sal Maandag op aanklagte van die besit van vermoedelik gesteelde eiendom, intimidasie en roof in die landdroshof in Pretoria verskyn,” sê Miller.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.