Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Huisbaas skiet inbreker met windbuks dood

’n Moordklag is aanhangig gemaak teen ’n huiseienaar wat ’n inbreker met ’n windbuks in Standerton, Mpumalanga, doodgeskiet het.

Jan Wentworth is volgens sy vrou, Maireen, omstreeks 08:07 deur die inbreker in hul huis oorval.

“My man is nog baie geskok en die dokter het hom iets gegee om te slaap omdat sy bloeddruk so ontsettend hoog was,” sê Maireen.

Sy wou nie namens hom te praat nie, aangesien sy nie tydens die voorval tuis was nie.

Kapt. Fanie Nhlabati, polisiewoordvoerder, sê die inbreker het vroeg Vrydagoggend ’n venster gebreek om by die huis in te kom.

“Hy het vermoedelik gesien die vrou ry om haar kinders skool toe te neem en het nie verwag dat iemand anders in die huis is nie,” sê Nhlabati.

Wentworth en die inbreker het in ’n struweling betrokke geraak waartydens Wentworth die inbreker glo met ’n windbuks net bo die linkeroog geskiet het.

“Die man het glo dadelik inmekaargesak en is op die toneel dood,” sê Nhlabati.

“Die windbuks is wel nie ’n werklike vuurwapen in die tradisionele sin van die woord nie, maar kan wel op ’n kort afstand iemand se dood veroorsaak.

“Die polisie het dus ’n klag van moord teen die huiseienaar (Wentworth) aanhangig gemaak.”

Volgens Nhlabati is die inbreker nog nie geïdentifiseer nie, maar was hy vermoedelik ongeveer 25 jaar oud.

Meer oor:  Jan Wentworth  |  Kapt. Fanie Nhlabati  |  Standerton  |  Mpumalanga  |  Inbreker  |  Windbuks  |  Huiseienaar  |  Moordklag
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

NETWERK24 Stemme

Hallo, jy moet ingeteken wees of registreer om artikels te lees.