Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Kongolees vas wat glo onwettig as dokter praktiseer

Die polisie het vandeesweek by ’n dokterspraktyk in Sannieshof, Noordwes toegeslaan waar ’n Kongolese man glo onwettig as dokter gewerk het.

Die Suid-Afrikaanse Raad op Gesondheidsberoepe sê in ’n verklaring F. Mpiana het by die praktyk van dr. Tebogo Kaeletsa gewerk, na bewering sonder dat hy by die beroepsraad geregistreer is.

Die polisie het Mpiana in hegtenis geneem op aanklag van bedrog, asook ’n oortreding van die Wet op Gesondheidsberoepe.

Mpiana het reeds in die hof verskyn, maar die raad kon nie Donderdag dadelik inligting verskaf oor of hy op borgtog vrygelaat is nie.

Volgens die raad is Kaeletsa wel by die raad geregistreer, maar hy sal nou by die Raad vir Mediese en Tandheelkundige Beroepe verkla word. Hy kon nie vir kommentaar bereik word nie.

Die raad waarsku in die verklaring dat gesondheidspraktisyns nie ongeregistreerde gesondheidswerkers by hul praktyke in diens mag neem nie. Dit kan voorkom word deur die betrokke gesondheidswerker se kwalifikasies en registrasie op die raad se webwerf na te gaan.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.