Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Kundiges ondersoek Kuruman se stadsaalbrand
'n Brandbestryder in Kuruman probeer die vlamme blus.

Die polisie in die Noord-Kaap se forensiese kenners op die gebied van brande ondersoek die voorval waarin Kuruman se stadsaal Woensdagmiddag in puin gelê is.

Kapt. Olebogeng Tawana, polisiewoordvoerder, sê lede van die Kuruman-polisiekantoor en die brandweer is omstreeks 16:00 na die kantore van die Ga-segonyana-munisipaliteit ontbied nadat rook by die stadsaal gewaar is.

“Dit is in dié stadium nog onbekend hoe die brand ontstaan het. Die deskundiges ondersoek nou wat die oorsaak kon wees,” sê Tawana.

Volgens Paul Marais, lid van die Kuruman-Afriforumbuurtwag, het lede van die buurtwag toevallig die rook gesien en die nooddienste en polisie ontbied.

Die brand wat Woensdag omstreeks 16:00 by die stadsaal ontstaan het, het binne minute in ’n vlammehel ontaard.

“Ons het ook ons eie brandspan geaktiveer wat die brandweer bygestaan het om die brand te probeer blus,” sê Marais.

Volgens hom het die brand geweldig vinnig versprei en was die stadsaal binne minute in ’n vlammehel gehul wat die gebou voor hul oë verswelg het.

Die brand het Woensdag ná 18:00 steeds gewoed, maar dit is later geblus.

Dele van die aangrensende munisipale geboue is ook in die brand beskadig.

Die munisipale kantore was Donderdag gesluit en amptenare kon nie vir kommentaar oor die omvang van die skade bereik word nie.

Meer oor:  Kuruman-Afriforumbuurtwag  |  Kuruman  |  Stadsaalbrand  |  Kuruman-Brand  |  Stadsaal  |  Brand
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.