Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
KZN-politikus dood ná kopskoot
Thandazile Phoswa, onderburgemeester van die Richmond-munisipaliteit. Foto: Facebook

Die onderburgemeester van die Richmond-munisipaliteit in KwaZulu-Natal is in die vroeë oggendure van Maandag dood nadat sy in die kop geskiet is.

Volgens die polisie hou Thandazile Phoswa se dood nie verband met politiek nie.

Lt.kol. Thulani Zwane, ’n woordvoerder van die polisie, wou nie bevestig of die persoon wat in hegtenis geneem is, haar vriend is nie.

Hy sê die man wat die gewonde Phoswa na die kliniek geneem het, het homself aan die polisie oorgegee. Hy word aangehou vir ondervraging.

Zwane sê die besonderhede is nog vaag, maar die polisie het kort ná middernag ’n oproep oor ’n skietery in Phoswa se huis in die Ndlaleni-gebied gekry.

“Sy is onderweg na die kliniek dood.”

Die moordwapen is vir ballistiese toetse gestuur.

* Sibusiso Sithole (39), Richmond se munisipale bestuurder, is op 6 Maart in Victoriastraat doodgeskiet terwyl hy werk toe gery het.

Die munisipaliteit het sy skok en hartseer oor Phoswa se dood uitgespreek.

“Die munisipaliteit is gebroke. Ons het ons munisipale bestuurder ’n maand gelede aan die dood afgestaan.

“Ons veroordeel die sinlose moord, ongeag wie dit gepleeg het,” sê Sibonelo Bhengu, ’n woordvoerder van die munisipaliteit.

Meer oor:  Kwazulu-Natal  |  Kzn  |   |  Dood
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.