Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Lesotho-burger vermoor en begrawe glo sy 4-jarige seuntjie
’n Graaf lê by die vlak graf waarin ’n pa glo sy vierjarige seun in Jane Furse in Limpopo begrawe het. Foto: SAPD

’n Man van Lesotho sal binnekort in die hof in Limpopo verskyn nadat hy na bewering sy vierjarige seuntjie versmoor en hom daarna in ’n vlak graf begrawe het.

Die 35-jarige man is Sondagaand in Jane Furse in Sekhukhune in hegtenis geneem, sê brig. Motlafela Mojapelo.

Mojapelo sê inwoners van die Ngwanamatlang-nedersetting buite Jane Furse het Sondag die vlak graf ontdek. Dit was in die erf van ’n huis wat die Lesotho-burger gehuur het.

Die gemeenskap wou die man daaroor uitvra, maar hy het weggehardloop.

Van die gemeenskapslede het hom agternagesit, aangekeer en teruggevat na sy huis.

“Die mense het hom gedwing om die graf oop te grawe en daar is op die lyk van ’n seuntjie afgekom,” sê Mojapelo.

’n Graaf lê by die vlak graf waarin ’n pa glo sy vierjarige seun in Jane Furse in Limpopo begrawe het. Foto: SAPD

Die gemeenskap het die man begin aanrand en die polisie moes hom van die woedende skare red. Hy is hospitaal toe geneem.

Mojapelo sê die lykskouing sal bepaal wanneer die kind vermoor is.

Die ma van die kind is ook ’n burger van Lesotho en woon in Gauteng. Die man het die seuntjie glo sowat twee weke gelede by sy ma gaan haal.

Die man sal in die hof verskyn wanneer hy uit die hospitaal ontslaan word.

Lt.genl. Nneke Ledwaba, polisiehoof in Limpopo, het die moord veroordeel en gesê dit is veral skokkend dat dit tydens die 16 dae van aktivisme teen geweld teen vroue en kinders plaasgevind het.

Meer oor:  Lesotho  |  Pa Vermoor Seuntjie  |  Versmoor  |  Lesotho-Burger  |  Begrawe
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.