Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Man keelaf gesny in vakansieoord in Margate

Boodskappe van sterkte en medelye het Dinsdag op die Facebook-blad van Romeo Martin (44) van die Paarl ingestroom.

Martin se lyk is Saterdag omstreeks 15:20 gevind in die woonstel wat hy by ’n vakansieoord in Margate, KwaZulu-Natal, gehuur het. Hy is vermoor.

Romeo Martin. Foto: Facebook

’n Polisiewoordvoerder in KwaZulu-Natal, kapt. Nqobile Gwala, het gesê ’n skoonmaker van die oord het Saterdagmiddag by Martin se woonstel opgedaag om dit skoon te maak, maar daar was geen antwoord toe sy geklop het nie. Die deur van die woonstel was gesluit.

Die skoonmaker is na die ontvangs, waar sy ’n spaarsleutel gevra het. In die woonstel het sy gesien dat van Martin se besittings in die woonstel rondgestrooi is en dat daar bloedspatsels op die vloer was.

Sy lyk was op die vloer en sy keel is gesny. Sy nek was met ’n handdoek toegemaak.

Hy het verlede jaar van Paarl na Margate getrek en was ’n laboratorium-adviseur vir SEAD Consulting.

Hy het ’n langtermynhuurkontrak by die vakansieoord gehad.

Martin, wat aan die Klein Nederburg Sekondêre Skool in Paarl gematrikuleer het, het biomediese tegnologie by die Kaapse Skiereiland-Universiteit vir Tegnologie gestudeer.

Volgens sy Facebook-blad was hy voordat hy na Margate verhuis het as mediese tegnoloog by vigsnavorsing betrokke.

SEAD Consulting het bevestig dat Martin vir hulle gewerk het.

Meer oor:  Margate
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.