Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Tazne-verdwyning: ‘Man van belang’ aangekeer

Moyhdine Pangarker (54) is deur die polisie in Cradock in die Oos-Kaap in hegtenis geneem.

Moyhdine Pangarker

Pangarker is vroeër deur die polisie as ’n persoon van belang in die verdwyning van Tazne van Wyk (8) van Elsiesrivier, Kaapstad, geïdentifiseer.

'n Bron met kennis van die ondersoek het Dinsdag gesê Pangarker is Maandagaand in Cradock in hegtenis geneem.

Die vermiste Tazne van Wyk (8)

Die departement van korrektiewe dienste het verlede week by monde van hul woordvoerder, Singabakho Nxumalo, gesê hulle het in Februarie 2019 'n lasbrief vir Pangarker uitgereik nadat hy sy paroolvoorwaardes verbreek het.

Hy is volgens die bron in verband met die lasbrief in hegtenis geneem.

Pangarker moes op 6 Februarie vanjaar in die landdroshof in Worcester verskyn, maar het nooit by die hof opgedaag nie.

LEES OOK: Tazne: Gesoekte man het sy eie seuntjie mishandel 

Hy sal vanoggend (Dinsdag) in die landdroshof in Cradock op 'n aanklag wat verband hou met die verbreking van sy paroolvoorwaardes verskyn. Hy sal daarna na Kaapstad geneem word. 

Tazne het op Vrydag 7 Februarie weggeraak. Sy is laas gesien toe haar pa haar na ’n winkel naby hul huis in Connaught Estate, Elsiesrivier, gestuur het. Sy is sedertdien nie weer gesien nie.

Meer oor:  Cradock  |  Elsiesrivier  |  Tazne Van Wyk  |  Vermiste Kind  |  Ontvoering  |  Moyhdine Pangarker
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.