Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Moord, transitorooftogte neem toe in Oos-Kaap

Moord en seksuele aanranding is twee van die kontakmisdade wat binne ’n tydperk van drie maande in die Oos-Kaap toegeneem het.

Dit blyk uit die jongste provinsiale misdaadstatistieke vir die derde kwartaal van die huidige boekjaar, wat Vrydag amptelik deur die polisie in die provinsie uitgereik is.

Die statistieke is vir Oktober tot Desember verlede jaar.

Moord het met 0,5% toegeneem.

Die polisiekantore in die provinsie waar die hoogste stygings in moordsake aangemeld is, is Bethelsdorp, Lusikisiki, KwaZakhele, Cofimvaba, Dutywa, Cala en Willowvale.

Die algemeenste wapens wat in die moorde gebruik is, is messe (399), vuurwapens (306) en ander skerp voorwerpe (137).

Die drie polisiekantore waar die meeste moorde met vuurwapens aangemeld is, is Bethelsdorp, Mthatha en KwaZakhele.

Die meeste moorde is bendeverwant (42), gevolg deur verkragting (39) en rusies en misverstande (30).

Van die vermoordes was 81% volwasse mans, gevolg 13,4% volwasse vroue.

Daar was vier meer plaasmoorde in die provinsie in vergelyking met die vorige kwartaal. In die vorige kwartaal was daar geen.

Daar was 18 aanvalle op plase en kleinhoewes; agt meer as in die vorige kwartaal.

Al die ander misdade in die kontakmisdaad-kategorie, soos seksuele oortredings, poging tot moord, aanranding en aanranding met die doel om ernstig te beseer en roof, en roof met verswarende omstandighede het afgeneem.

Die grootste afname was roof met verswarende omstandighede, wat ’n daling van 13,3% getoon het.

Die totale aantal kontakmisdade was 18 808 gevalle teenoor die vorige 19 675 gevalle.

Wat seksuele misdrywe betref, het seksuele aanranding met 16,2% gestyg en verkragtings het met 2,7% afgeneem.

Transitorooftogte en die kaping van vragmotors toon ’n toename van onderskeidelik 14,3% en 22,9%.

Twee polisiebeamptes het in die laaste drie maande hul lewens verloor. Hulle was nie aan diens toe hulle gesterf het nie.

Meer oor:  Oos-Kaap  |  Seksuele Aanranding  |  Moord  |  Misdaadstatistieke  |  Toename
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.