Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Nóg 2 gesoek ná moord op mans in Eldorado Park

Die polisie in Kliptown, Johannesburg, soek na nog twee mense wat vermoedelik betrokke was by die moord op twee jong mans in Eldorado Park.

Die mans van onderskeidelik 26 en 27 jaar oud, is Vrydagmiddag dood in ’n kamer in hul huis in East-weg, Eldorado Park, gevind. Hul hande en voete was met draad vasgebind en hulle was in plastiek toegedraai.

Brig. Mathapelo Peters, provinsiale polisiewoordvoerder, sê twee mans van onderskeidelik 40 en 50 jaar oud is reeds in hegtenis geneem, maar hulle soek na nog twee mense wat glo betrokke was by die moorde.

Volgens Peters is die oorledenes se families ingelig oor hul dood, maar hul identiteit mag nie bekend gemaak word nie. Geen rede is daarvoor verskaf nie.

Peters sê volgens voorlopige ondersoekwerk is die vermoorde mans Donderdag saam met ’n derde persoon gesien. Die vermoede bestaan dat ’n lyk wat Donderdag by die Klipspruit-Wes-begraafplaas gevind is, dié van die derde persoon kan wees. Dié persoon se identiteit is nog nie bekend nie.

Peters sê eers wanneer die identiteit van die derde persoon bekend word, sal die polisie kan bevestig of die twee voorvalle met mekaar verband hou.

Peters vra mense met inligting om die Kliptown-polisie te kontak of die stopmisdaadnommer, 08600 10111, te skakel. Hulle kan ook kontak maak deur die MySAPS-toepassing op ’n selfoon.

Meer oor:  Eldorado Park  |  Moord
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.