Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Paramedici in ambulans in Kaap beroof

Paramedici van die Wes-Kaapse departement van gesondheid is Donderdagoggend in Kaapstad onderweg na ’n pasiënt beroof.

Die provinsiale mediese nooddienste (EMS) het die voorval om 06:20 in Better Life, Philippi-Oos, veroordeel, waarin ’n man en vrou in ’n ambulans geteiken is.

Die paramedici is van hul persoonlike besittings beroof en erg getraumatiseer, maar ongedeerd, luidens ’n verklaring van die EMS. Hulle kry berading.

Twee vermeende rowers in ’n swart Citi Golf het die ambulans voorgekeer en die paramedici met vuurwapens genader.

“Hulle kon nie toegang tot die ambulans verkry nie en het toe die venster aan die bestuurder se kant gebreek en die deur oopgemaak. Twee selfone, twee beursies en ’n sak is geneem.”

Polisielede het een van die paramedici se sak later buite die ambulans gevind.

Volgens die EMS het aanvalle op mediese nooddienste sedert einde Maart toegeneem en was daar sedert 1 Januarie al 19 aanvalle op EMS-personeel.

“Die meeste aanvalle lei nie tot ernstige beserings nie. EMS-lede ervaar egter trauma, en vrees vir hul lewe terwyl hulle hul pligte uitvoer. Hul stel daagliks hul lewe op die spel om in die gemeenskap lewens te red.”

Meer oor:  Wes-Kaap  |  Beroof  |  Paramedici
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.